اللي مولعة بتطويل شعر الولد تدخل

مساء الخيرات حبيباتي

اخواتي انا عندي ولد عمره 5 سنوات وشعره ماشاء الله تبارك الله حرير مررة هو ولدي البكر ماجاني بعده الا بنوتة شعرها ملفلف مو زي أخوها ابدا ً صح ناعم بس متلوي بالمرة

المهم انا اعاني من عقدة من يوم انا صغيرة وهي ان شعري فلافل:hahaha:

عاد مو فلافل مرة بس متلوي وفيه نفشه شوي

المهم انا مولعة بالمرة بتطويل شعر ولدي الحين شعره لحد اكتافه وما شاء الله قطعه وحده واللي يشوفه مايصدق انو ولد ابدا ً لدرجة اني اخاف عليه ولا اخذه لمجتمع غريب لأن ملفت للانتباه باسم الله عليه هو وشعره

مشكلتي مع الناااااااااس اشغلوني لا يمكن اروح لاهلي ولا لاهل زوجي الا ينتقدوني
قصي شعر ولدك
ولدك صاير تقل بنت
اول ماشفته حسبته بنت
ترى بكرى يجيه شي تتندمين :eek:

وانا معجبني كذا مررة حتى زوجي يقول ماعليك من احد اتركيه شعره حلو اللهم اخفف من قصته شوي عشان ما يأذي عيونه لكن من الخلف طويل لحد اكتافه

المهم دخلته روضه السنه هذي قالت لي معلمته الله يخليك قصي شعره خافي عليه لا تتأثر نفسيته الكل يحسبه بنت حتى صار مشهور بالروضه كلن يعرفه من معلمات واطفال ( الولد ابو شوشة :hahaha: )

وانا اقول لهم ان شاء الله اذا طال شعر بنتي قصيت شعره الحين لا تفكرون

سبق وكان شعره طويل لكن وديته للمشغل قصيته مرة وحده بعدها جلست:icon33: :icon33:
وتندمت مرة وقلت اذا طال ماراح المسه والحين رجع طال بس اخاف اقصه اسوي سالفة اخر مرة واتندم

المشكله زوجي مثلي اذا تشجعت اقصه يحسفني واذا هو بغى يوديه حسفته وكل واحد اردى من الثاني

ان جيتوا للصراحه انا خايفة عليه لأن محد يصدق ابد انو ولد وصاير ملفت للانتباه وهذا اللي انا ما ابغاه


اخواتي مافيكم احد زي حالتي كيف تصرفتو مع الناس وكلامهم وكيف قدرتي تشجعين نفسك وتقصيه مادري ليه ماعندي أي جرأه اقصه اخاف اتندم كل مرة اقول تجي المدرسة ويقصونه غصبن علي لكن المدرسة لسه بدري عليها مو السنة الجاية لا اللي بعدها يعني يمديه ياصل ظهره لو ماقصيته

فكرت اقصه دائري بحيث يقصر وبنفس الوقت ما يصير قصير مرة لكن برضو مو متشجعة مدري وش الحل احس ان فيني بلى

ادعو لي اجيب بنوتة مثل شعره عشان اخذ راحتى واطوله زي ما ابغى