اللي مو موظفه تتفضل

الله يرزقك من واسع فضله
ويكتبلك اللي فيه الخير

وش دعوى كل هالعتاب والزعل
اللي يشوف كلامك يقول هذي جالسه بالشارع ولا مقطوعه من شجره وما تقدر توجد لقمة تسد جوعها او قطرة مويه تروي عطشها
هدي وروقي وخذي انفاس عميقه وتعوذي من الشيطان الرجيم مليون مره
انا عاطله مثلك وما عندي أي مصدر دخل ولا مصروف خاص وعايشه على البركه وفوق كل هذا اقولها من كل قلبي الحمدلله والشكر لله اني في بيت يأويني وعندي ملابس تسترني واكلي وشربي يوصلني بلا مجهود وانام مرتاحة البال
وانا متأكده 100% انك عندك نعم كثيره لكنك متجاهلتها ومعتبرتها مسلمات
وتفكيرك ومشاعرك وكيانك كله مركزته في الشي الواحد اللي ناقصك !
رغم انك بدون وظيفه عايشه بخير ونعمه الحمدلله صحيح مانعيش بالرفاهيه اللي نحلم فيها ونتخيلها واننا نصرف ببذخ بلا تفكير على اللي نحتاجه واللي ما نحتاجه لكن برضوو والله ثم والله اننا احسن من غيرنا بملايين المرات وافضل من احوال بعض الموظفين اللي على ظهورهم مسؤليات وبرقابهم ارواح تنتظر منهم لقمة عيش تسد جوعهم و .. الخ
انا وانتي وغيرنا في نعيم الحمدلله
لكن هي عينك ونفسك اللي اطلقتي لها العنان وصارت ما تشوف الا الناقص وتنكر الموجود
نصيحتي لك خذي ورقه وقلم وكل يوم اكتبي فيها 10 نعم في حياتك سواء صغيره او كبيره واستشعري مدى انتفاعك بها وحجم اليسر والفرج اللي حاصل لك بسببها واحمدي الله واشكريه عليها من كل قلبك واستمري يومياً كذا بعدها بتكتشفين كم انتي غارقه في النعم لكن ماشكرتي الله عليها وانتي تعرفين ان الشكر يزيدها
واقولها لك من واقع تجربه يوم استوعبت هذي النقطه صرت قنوعه باللي عندي وسبحان الله احياناً اتمنى شي ويجيني بدون لا اطلبه اما كهديه او تجيني فلوس بدون سبب والحمدلله مرتاحه وحامده وشاكره
ودايماً اقول اذا في الشي الفلاني خير لي ربي ييسره واذا مافيه خير ربي يصده ويمنعه عني
ماتدرين وش الضرر اللي ربك صده عنك ولا الخير اللي محضره لك في ايامك القادمه
فلا تسخطين ولا تجحدين ولا تتذمرين بالعكس احمدي الله واشكريه على الموجود

خمس سنوات وتقولين ماخليت شي ماقدمته🙂
اعرف لك ناس متخرجه لها 10سنوات واكثر واعلى شهاده وكل شي
بس الله ماكتب لهم
الرزق بيد الله ماتجيبه شهاده او تحرمك منه
اذا الله قدر لك الرزق جاك
وانتي قلتي ان فيه ناس اقل منك وتوظفوا
خلي عندك يقين ان مهما اجتهدتي انها اقدار من الله ورزق من الله
عشان ترتاحين من سالفة ليش وليش
ايوه الواحد يجتهد بس بالنهايه هي رزق من الله. اذا كتبه جاء
واذا الله ماقدره لك لو تركضين لليل ونهار ماحصلتيه.
اقتنعي

معاها...
الله يرزقك من واسع فضلة ❤

الله يرزقك حبيبتي بالوظيفه ألي تسر خاطرك