اللي ناوية تفتح حساب في سامبا... تتراجع!!

بعد موضوع الاخت تميمية القصيم

اللي ذكرت فيها قصة أختها والاختلاس اللي صار لها على الرابط التالي

http://forum.hawaaworld.com/showthread.php?t=978201#Scene_1

ذكرني موضوعها بسالفة صارت لي بداية سنة 2007

قبل أكثر من سنة فتحت حساب جاري
وانا في البنك أسأل الموظفه إيش الفرق بين الحساب الجاري وحساب التوفير
قالت لي ما فيه فرق بس الحساب الجاري تقدرين تطلعين دفتر شيكات والتوفير ما تقدرين
قلت لها بس هذا الفرق
قالت ايه بس كذا
وفتحت الحساب واودعت فيه 7500 ريال

وبعد سنه كان الحساب 4000 ريال تقريباً
وفجأة بين يوم وليله صار 3000 :(

ورحت للفرع اراجعهم

قالت لي هذي رسوم سنوية قيمتها 913 ريال

شوفوا اللي ما يخافون الله.. اللي حسابه 60 مليون يسحبون منه 913 في السنه
واللي حسابه 4000 يسحبون منه 913 في السنة

وش ذا السخافه!!!:angry2:

ما اقول الا حسبي الله ونعم الوكيل فيهم

وتقولي ما فيه فرق بين الحساب الجاري وحساب التوفير.............

فانتبهوا يا بنات انتبهوووووووووووووووووووووووووا