اللي نفاس وتنام ويا زوجها بنفس الغرفه تدخل

الحمل والإنجاب

مرحبا الغاليات

عزيزاتي بإذن الله بعد شهر بدش التاسع والله يسهل علي وعلى كل حامل يا رب

ناويه بإذن الله اقضي نفاسي في بيتي... نفاسي الأول كان في بيت أهلي بس نفاسي الحالي في بيتي لظروف خاصه

سؤالي هو::
شو اسوي عشان ما اتضرر من التكييف؟؟ تعرفون الدنيا حر والجو ماراح يعتدل لين الشهر الياي يعني بيكون الجو حار وأساسا زوجي مستحيل ينام بدون مكيف حتى بالشتاء لدرجة إني تعودت أنام مثله وما اتحمل الحر أبدا

بس الحين احاتي إن يدخلني هوا ويخترب كل اللي ناويه اسويه في نفاسي... بلبس لبس يدفيني ويدفي ريولي بس المشكله بإذني لأني ما اقدر البس شيله وانا نايمه جنب زوجي... شكلي بيكون غلط

لاحد يقولي نامي بغرفه ثانيه... أساسا أنا ما أؤيد هالشي وزوجي ماعنده مشكله في ازعاج الياهل أبدا ماشاء الله ينام مثل أهل الكهف... وغير جيه أصلا مافي غرفه في البيت اقدر اعزل نفسي فيها

شوروا علي شو الحل؟؟

سؤال ثاني::: ابا اسوي شراب نفاس مكون من قشر قهوه وكمون وإلخ...... بس مب عارفه شو المقادير؟؟
ياريت اللي تعرف ماتبخل علي بالمعلومه

وجزاكم الله خير ويسر كل أموركم
55
40K

يلزم عليك تسجيل الدخول أولًا لكتابة تعليق.

تسجيل دخول

ميلوو22
ميلوو22
والله كتير معقده هالشغله

لازم يتنازل زوجك شوي لأنك رح اتجبيلو البيبي

وبالنسبه لشراب النفاس ما بعرف

***** الله الأخوات بفدوكي :26:
شامخه رغم الاعاصير
اتوقع ان الجو راح يبرد بعد شهر يعني مافي حر زي ماتقولين في وقت ولادتك
اما شاي الاعشاب حطي بعلبه كمون ويانسون وشمر وقشر قهوه وقرفة وقيصوم وزعتر بري وبابونج00000000000
طبعا من غير طحن 00واطبخيها زي الشاي وحليها اما بعسل او سكر مو مشكله واشربيها العصريه او اوقت ترتاحيله
والله ييسر امورك ولاتنسينا من دعواتك
ღ●•وردة نجد•●ღ
شوفي يالغالية نصيحتي لك أهم شيء الطرحة علشان مايدخل البرد مع أذانيك ،،

لاتقولين متفشلة من زوجي و لا شيء ،، زوجك بيقدر موقفك و أكيد راح يكون حريص على صحتك ،،
تدفي زين ،، لأن النفاس أي هواء يجيها يتعبها ،،
هي كلها أربعين يوم أو أقل تحملي الطرحة و يتحمل زوجك معاك كله علشان صحتك و ترجعين لزوجك زي الغزالة ،،

بالنسبة للمشروب اللي أعرفه و طوال فترة النفاس أستخدمه ،،

( قشر قهوة + قرفة + زنجبيل ) تغلينها مع بعض و من ثم تشربينها و الأفضل أنك تحلينها بالعسل ،، و اشربي منها كوبين أو ثلاث ،،
صراحة حلو و ينزل الأوساخ و يريحك و يهدي آلامك ....

أتمنى أكون أفدتك

دعواتك
@وحيدة امي@
@وحيدة امي@
احس صعبة ان الوحده تكون والده وريحتها ادويه وحالتها حاله انها تنام مع زوجهااا والرجل ماينسى الريحه الشينه وازعاج البيبي
مافيه غير انك تسوين لك غرفه خاصه للاربعين وللزوار اذا ماعندك مكان وبيتك ضيق
انا عن نفسي لو ولدت في بيتي راح تكون هذي طريقتي غرفه خاصه مع حمامها اخذ راحتي والنوم مع الرجل لاحقين عليه
اهم ماعلى الوحده راحتها النفسيه
هذا وجهة نظري واذا ماودك على راحتك وهذا شيء راجعلك
تقبلي مروري
الملكه
الملكه
احس صعبة ان الوحده تكون والده وريحتها ادويه وحالتها حاله انها تنام مع زوجهااا والرجل ماينسى الريحه الشينه وازعاج البيبي مافيه غير انك تسوين لك غرفه خاصه للاربعين وللزوار اذا ماعندك مكان وبيتك ضيق انا عن نفسي لو ولدت في بيتي راح تكون هذي طريقتي غرفه خاصه مع حمامها اخذ راحتي والنوم مع الرجل لاحقين عليه اهم ماعلى الوحده راحتها النفسيه هذا وجهة نظري واذا ماودك على راحتك وهذا شيء راجعلك تقبلي مروري
احس صعبة ان الوحده تكون والده وريحتها ادويه وحالتها حاله انها تنام مع زوجهااا والرجل ماينسى...
وان رأيي من رأي الاخت