غلطانه محد بيحبه طويل اللسان والله اعرف وحده كذا يوم مرضت مااحد حزن عليها وتوفت وكأن الناس انبسطت بفراقها يضحكون حتى في عزاها ويمكن محد يترحم عليها لاحول ولا قوة الا بالله تبغي تكوني كذا يعني هاذي نهايتك
هذا بالدنيا كيف بالاخره ايش الجزاء ؟؟؟

هالشي رايته بعيني وربي

قال الرسول صلى الله عليه وسلم لما جاءه رجل سليط اللسان ( بئس وتعس الرجل يُحسن اليه خشية بطشه قالت عائشه وانت يارسول الله تكلمه هوينا قال عليه الصلاة والسلام ياعائشه وهل علمتيني صخابا او سبًّابا ) صدق رسول الله ورضي الله عنك ياعائشه

قال الرسول عليه السلام ( خيركم الموطئون اكنافا يألفون ويُألفون ) الموطأون اكنافا هو الشخص السهل اللين الجانب
وقال ( اكثر مايدخل اهل الجنة الجنة حسن الخلق )
وقال ( اقربكم مني منزلة يوم القيامة احاسنكم اخلاقاًًً )
ابعد كل هذا تتمنوا ان تكونوا من هذه الفئه البغيضه :huh:

لا اله الا الله
ليه اللي نفسهاا خااااايسه وتنااااافخ طول الوقت وعـــــــوبه ولسانها طوووووويل الكل يحترمها ومحد يتجرأ عليها ؟
والله من كانت هذه صفاتهاااا مالهاا من الاحترام مقدار ذرة فقط يتقوووون شرهاااا وهي على بالهاااا احترام

وصلت لدررجه احس انو اللي تربي الناس بقوتــــــــهااا مالكه سعاده الكره الارضيه كلهااا
ياعسل ابعدي ها الاحساس عنك ولا تفكرين فيه وتعوذي بالله منه من تسلط على الناس بالقوة ماعندة من السعادة ولا شئ يكفي انه من الداخل حاس بكذه ماتسلط عبد على خلق الله الا سلط الله عليه من هو اقوى منه وياخوفي تكون الامراض والابتلاءات والنكباااات وعدم التوفيق هو جزاه

وربي اللي بتسسساعدني اتغير عمري ماراح انساها بدعائي طووول العمر
قسم بالله احترام الناس لك وتقديرك ومحبتك وهيبتك وتسهيل امورك كلهاااا بقدر قربك من الله
شوفي بالتقرب المحبب الغير متشدد تشوفين هذا كله من كل الناس اللى حوليك اللى تعرفينهم واللى ماتعرفينهم
الكل يدور سعادتك والكل يبغى محادثتك والكل لا يمل من جلستك والكل يطلب مشورتك والكل يبدي اهتمامة لك ولو بشئ بسيط
والكل يسال عنك والكل يدعي لك
طبعا القرب من الله يهذب النفس ويجعل كلامك كله كلام طيب محبب للقلب لانه كلام اكيد بيكون طالع من القلب فيوصل بسرعة للقلوب
وكمان يجعل هيبتك في قلوب الناس المتسلطة القوية المستبدة امامك قسم يتلاشون
الله يسعد قلبك بما يرضيك

الطيب فـِ♡ـيْ  هالزمان ينداس يعني الواحد يخلي تعامله بين وبين ع حسب الاشخاص .لاطيب زياده ينداس ولا قوي عين ينعاف:sly:

ما أتوقع كلامك صح إلا في مجتمع ضعيف و فاقد

للأحترام و التربيه

كيف وحده قليلة تربيه و طويلة لسان تكون لها مكانه

و هيبه بالعكس هذي عندنا عالقتها الشينات

و بكل مجلس منبوذه إلا من ربعها و الكل ما يداني

مجالستها و لو أن فيه البعض يعطيها وجه من باب

المجامله لكن ما أعتبرها مجامله أعتبرها ضعف شخصيه

انا ماادري ليه تننظرون دائما للامور من الجانب الدنيوي ....

وتحكمون من خلال مقايسين الناس والدنيا

شوفي بماذا يامرنا الله من التحلي من الصفات الحسنه واقتداء بسنة الرسول صلى الله عليه وسلم باخلاقه ....

وصدقيني انتي ربحانه بالدنيا قبل الاخره .....

وعدنا الله بالثواب والاجر ومجاورة النبي صلى الله عليه وسلم بالجنة لحسن الخلق ..

هل نترك هذا الثواب من اجل قوانين دنيا

طبعا انا مااقول تكوني ضعيفة شخصيه ..بالنهايه المؤمن القوي خير واحب الى الله من المؤمن الضعيف ....

بس من دون لا افراط ولاتفريط

قوي شخصيتك ...وقوي اللي بقلبك ..وقولي بينك وبين نفسك مادام انا خسرانه ليه مااقول اللي بقلبي واللي يصير يصير
وصدقيني مع الايام بتتقوى شخصيتك

وصحيح في عينه من الناس تحط الف حساب للشخص قوي الشخصيه بس ايش الفايده وقلوبهم تحمل تجاه الحقد والكره ويدعون عليه بالخفاء ...ويكرهون مجالستها

الله لا يخليني من هالنوعيه حتى لو انهضمت حقوقي ...بالنهايه مارح اخذ كلام الناس معاي لقبري مارح اخذ الا اعمالي الحسنه