الله يفرج همك ألجئي لرب العباد هو اللي بينصرك واستغفري كثييير الله ينصرك عاااااااااااااجل غير آجل آآآآآآآآآآآآمين يارب
الصفحة الأخيرة
ولكن انتي متناقضة ... مره تبيني انو زوجك عارف انهم مو كويسين معاكي والآن قلتي انو مره وحده بس اشتكيتي منهم
كيف تجي ذي؟؟
عموماً نعم انتي ذكرتي في ردك لي جواب مشكلتك
نعم عليك كسب ودهم ورضاهم لأنك الآن جربتي بلاويهم
وأنا ما أبرر ولا أدافع حراااام عليكي تتهميني كذا أنا وضحت وكلامي ما يحتاج تفسير وفعلهم سيء
وانت اللي سرعتي جنانهم
أنا قلت اللي قلته عشان تحملي لهم عذر وتقدري تعيشي وتسايري الوضع لحد مايفتح الله على زوجك
ويا أختي دامك عارفه انهم كذا بصراحة مش من الحكمة اللي سويتيه مطلقاً
معليش وبقولها ليكي ثاني
يعني عاجبك وضعك الآن بعد ما حطيتي نفسك في راسهم وبالذات أبوه؟؟
عشان مودم هوا يكلمك وانتي ترفضي كذا مره طيب والآن بالله اللي صاير عشان هذا المودم تسوى عليكي بالله؟؟
يعني ممكن تطلقي الآن وممكن ابنك يتشتت بعيد الشر
ويمكن ياخذوه منك ومو بعيده على هذي الأشكاااال
الآن فهمتي قصدي
ولا تقولي مويه ونااار ومدري ايه
أنا مجربه بلاااااوي متلتله وما قلت لك إلا من بعد تجربة وتجربة مريرة جداً وما زلت أعاني فيها
إذا انتي عندك ولد أنا عندي أربعه يا دندوشة
عارفه يعني ايه أربعة.......
لكن حبيت أشوف وضعك أحسن مني بكثييييييييير ويعلم الله بذلك
أبغاكي تتحركي وتتقدمي مو تجلسي تندبي حظك العاثر
ولا تقولي ملاك ومدري ايش مافي أحد ما يغلط
مشي حالك وعلى قولة القايل ويكرم الجميع
إذا كانت حاجتك عند (...حيوان معروف........) قله ياسيدي
وإذا مو عاجبك تنثني في وجه الريح خلاص خليكي صامده وانكسري ...
ومشكلتك لا تبغي كذا ولا كذا
بس تبغي معجزة تجيكي من السماء .. وفين التوكل والأخذ بالأسباب .. مدري فين راح
اتحركي يابنت اتحركي واستعيني بالله
وصدقيني ربك حايعينك وينصرك وإذا فيهم شر حايرد كيدهم في نحرهم
لا تقولي كيف أعمل وأسوي وتاخذك العزة
والله أحيان اللي مايطاطي راسه ويتغاضى عن بعض الأمور يروح في داهية
لا تقعدي تحسبي لهم هم أشرار ومدري ايش خليهم على ربهم ولا تسدي نفسك من ناحيتهم عشان تمشي أمورك
أتذكري محاسنهم ومافي أحد ما عنده محاسن أقلها أبو زوجك يابنت الحلال
والله أعرف وحده كانت تعاني من أبو زوجها بالذات قاعدلها في الروحه والجيه والمصروف وزيارة أهلها
المهم صارت وراه وراه بالإبتسامة والإحتفاء والقهوة والشاي واللسان اللي ينقط عسل
أقسم بالله أول مشكلة بينها وبين زوجها وكانت كبييييييييرة وهي الغلطانه كمان
عارفه ايش حصل
الأب قال لولده انت مجنون ولا هي بنت ماعليها كلااام وسحب ولده ومرمطه عشان يراضيها
وهذا اللي أبغاه ليكي اتحايلي على ابوه وشوفي مدخله من فين وايش يحب
وصدقيني ليمشي وراكي زوجك بالطيب والحلال وكل شي يرضي الله سبحانه وتعالى
والله ياأختي من تجربتي أنا كمان أقولك
والله عملوا اللي ما ينعمل وياليتهم ناس شرانيين كان قلت معليش
قدام الناس ملايكه على قولك والبلاوي طلعت علي أنا
والله بديت بالأب وشوفيه رايح جاي علي ويدعي لي كمان ولعيالي وصااار شي ثااااني
كله لأني أنا تنازلت أول بعد مااستعنت بالله وسألته ودعيته ورجيته وبديت أشوف محاسنه لأن نفسي كاانت مقفله عنهم
وابوه أول واحد فيهم أكرهه بس الحمد لله لما لينت نفسي بدأ علي يبان الإرتياح واني مو تمثيل أمثل عليه والحمد لله
والله ييسر أكثر وأكثر ويفتحها في وجهي ووجهك
والمشاكل العائلية ذي مو طيبه والله أقل حاجه عشان عيالنا ونسوي اللي علينا امام الله
وماانتي ولا حتى أنا أحسن من خير البرية محمد عليه الصلاة والسلام واللي شافه من ظلم وإهانه واحتقااار أكثر من اللي شفناه بكثيييييير وصبر عليه الصلاة والسلام حتى أذعنت له كل الدنيا
وأتمنى وصلك اللي أبغاه وأتمنى ليكي عيشه هنيه ومستقرة وزوج صالح وذرية صالحه ولكافة بنات المسلمين
قولي آمين