اللي والدة قيصري تدخل.. الله يسخرلها زوجها ويحفظ لها عيالها بحق هاليوم الفضيل..

السلام عليكم بنات
انا والدة لي 17 يوم بعملية..
ومن ولدت البس بناطيل عشان ادفي نفسي..
واليوم تشجعت وقلت اشوف شكل بطني.. بس تروعت!
طبعا الكرشة طايحة..
بس البنطلون عمل لي حد اسفل بطني..
فصار بطني طبقتين.. ما ادري اذا فهمتوا علي!
يعني فيه حز على جوا قسم بطني لدورين..
اللي فوق كرشتي وبطني..
وتحت شي متكور (شاكه انه الرحم) جاي فوق العانة..
ولما شفته روعني الحد الفاصل بينهم..
يعني كأني لابسه حزام.. قاسم جسمي فوق تحت..
وجاي هالحد فوق مكان العملية..
حتى الجرح ماشفته زين من سفطات بطني..

صراحة تحسفت اني كنت البس بنطلون!!
ماتوقعت ان بيتشوه جسمي ويخرب فوق خرابه.. :(
خصوصا اني بكريه ووالدة بعملية وحالتي حاله..

الحين سؤالي..
وش المفروض اسوي؟؟
اعمل مساج عشان ارقع هالحد الفاصل؟ والا خطر المساج؟
والمتكور فوق المهبل واظنه الرحم.. هل تتوقعون ان البنطلون ساهم بنزوله؟؟
وكيف اضبط وضعي الحين؟؟
جد خاااااايفه مره وشايله هم زوجي وش بيقول بعد الاربعين :(:(

الشي الثاني..
انا قالوا لي بالمستشفى استخدم بس مسحة طبية للجرح..
ولليوم الخيوط باقية.. لا طاحت ولا ذابت..
وهم قالوا لي بتروح من نفسها.. بس مدري خلال كم!!!
والمشكلة موعدي بعد الولادة ب6 اسابيع!!
فما ادري انتظر لهناك والا وش اسوي بالضبط :icon33:

الشيء الاخير..
اذا دخلت الحمام -تكرمون- احس بهبوط كبير بالمهبل..
يعني اول كان مشدود وانا بنت.. الحين راخي وطايح..
كأني عجوز!!
هل هذا الشيء طبيعي؟؟ وهل له حل؟؟


ساعدوني تكفون والله اني بضيقة كان الله بها عليم..
واحس حياتي الزوجية بخطر :06:

الله يستر علي وعليكم وعلى بنات المسلمين جميعا :(