أميرة الله ييسرها يارب ..
أنا نفاسي في بيتي .. وهذا ثاني نفاس لي في بيتي .. بس بيكون فيه فرق كبير بينهم ..
الأول كان عندي شغالة سنعة شايلة البيت والعيال شيل .. وماكان عندي غير طفل واحد يدرس باولى ابتدائي ..
وامي رحمة الله عليها كانت عندي تسليني ووجودها يملأ علي الدنيا .
لكن هالمرّة .. الجو برد وعندي 3 يدرسون وشغالة ما تدبرررر شيء أبد .. وامي الله يرحما ويغفر لها ..
وأخواتي بعيدين وعندهم دوامات ..
شايلة همّ الضيوف بصراحة .. ما ودي أشوف أحد أبد غير أهلي .. بس أنا بوصل لأهل زوجي اني ما أبي زيارات إلا بعد 25 يوم .. أكون خفيت فيها شوي وأقدر أستعد لاستقبالهم .. وأنبه على نقطة مهمه انهم يجون كلهم سواء ..
مو كل يوم تنط لي وحدة .
بس المشكلة مهي بأهله القريبين .. في أقاربه .. خالاته .. الله يهديهم ما يعرفون يكلمون قبلها بيوم يومين ..
وسط الاسبوع و بعد الظهر يدقون .. ترانا بنجي العصر !!!
وانا هالمرة عاد غير عن المرة الاولى .. وهم ما أقدر أوصل لهم العلم لأن ما بيني وبينهم اتصالات ..

أفكر أجيب لي حبشية غير الشغالة اللي عندي .. بدور لي وحدة سنعة تطبخ وتقوم العيال للمدرسة وكذا ..
بس مدري أنا ألقى أو لا .. ومترددة أخاف تخرب هالشغالة اللي عندي عاد ما يبي لهم شيء على جريف .

الله يهون علي الجميع يارب وانا معكم