يــــــــــــــا الله انك ارحم الراحمين
ادعوا لي باالتساهيل

اذا كنت بكرية او خامس طفل لك روحي لخالد احسن منه حتى الشميسي احسن منه وكلهم يقبلونك

انا والده فيه اكثر من مره

مستشفى نظيف بصراحه وغير كذا عندهم عنايه وخبره

صح احيانا اذا عندهم زحمه تلقين الممرضات يعصبون بس مو الى درجة الضرب ليش بزران عندهم

وبصراحه رايي فيهم لان كلمة حق لازم اقولها ولدت عندهم ولقيت عنايه والنظافه عندهم مو طبيعيه

لايغرك لما يقولون قمامه وانا ما ادري لو الامور تغيرت لان لي 5 سنوات ما جيتهم انتقلت لمدينه اخرى ولو كنت في الرياض راح اولد عندهم لان جربته

اسمعي اختي لايهمك كثر الحكي ترى المسأله كلها تيسير وتسهيل من عند العزيز الحكيم يعني لومكتوبلك ولاده سهله لو كان اردى مستشفى يصير حلو . ولو مكتوبلك ولاده متعسره في افخم واحسن مستشفى كان صار كابوس ومايستاهل...... الزبده:
توكلي على الله واجزمي على اي واحد ترتاحين له
اقول الكلام لاني شفت شي في ولادتي السابقه وماخليت احسن مستشفى مارحت له وراجعت عنده الحمادي ,التأمينات ,الالماني وبالاخيرمالقيت الا الله ثم مستشفى اليمامه.(يعني في حاله الطوارئ)
بالمقارنه مع المستشفيات الخاصه اكيد مو ذاك اللي انت تبين بس لافرج الله لك نسيت العيوب.
الله يسهل لنا ولك ولجميع الحوامل قولو آميييييييييييين

الله يسهل عليك ياختي انا اقول روحي لمهم وتوكلي على الله انا والده فيه اربع مرات وكل ولادة احسن من الثانيه اوهم شئ التساهيل من رب العالمين مو من المستشفى والممرضات......انا اعرف واحدة زوجها ملياردير مو تاجر يترجاها تولد بخاص لكن هي موراضيه تقول غير اليمامه يفتح الله لان الدكاتره الي فيه خبرة