اللي ولدت طبيعي بعد قيصرية واحدة ياليت تفيدني

السلام عليكم ورحمة الله وبركاته ..

كيفكم بنات ،،؟؟

انا عندي ثلاث اطفال ، الاثنين الاولين جبتهم طبيعي ، والثالث جبته قيصري ، وبعده بسنة وشوي حملت .! مع ان الدكتورة حذرتني من الحمل قبل اقل من سنتين لكن قدر الله وماشاء فعل ..المهم ..
دكتورتي اللي اتابع عندها طمئنتني اني ممكن اولد طبيعي مالم يطرا طارئ او مؤشر خطورة يستدعي العملية ،طالما جبت اثنين طبيعي فما عندي اي مشكله اني انجب طبيعي اذا كان السابق قيصريه وحدة بس .. لان الجرح بعد سته شهور من العمليه يبرا تماما ..
طبعا هذا كلام الدكتورة .!
لكن المستشفى اللي راح اولد عندهم مستشفى حكومي ، وماعندهم الكلام هذا .!اي وحدة سوت قيصريه بعدها يحكمون عليها بالعمليات المؤبدة ولو ان لها قيصرية واحدة !! والسبب مالهم خلق مشاكل وشكاوي اذا صار فتق للجرح او مشاكل من هذا القبيل وخاصة انها صارت عندهم اكثر من مرة ، مع ان اوضاع الوالدات تختلف من وحدة لاخرى كل حسب رحمها وسماكته وحسب الجرح وحجم الجنين ، لكن العملية صارت آمن و اسرع واسهل ، وخاصة مع زحام المستشفيات الحكومي،،   وانا ماعندي امكانيه اولد في مستشفى خاص،،
مادري استسلم لهم واوافق عالعمليه اذا قرروها لي ؟؟ والا ارفض وأعاند واوقع عالاوراق اللي بيعطونياها  ان المستشفى تخلي مسؤليتها واني انا المسؤله عن اللي بيصير لي؟؟مادري يعتبر مجازفة او مغامرة والا عادي جداً زي ماقالتلي دكتورتي ؟؟يقول المثل: ( اسأل مجرب ولاتسأل طبيب) ،،اللي جربت منكم الطبيعي بعد العمليه او تعرف وحدة ياليت تطمني وكم كانت الفترة بينهم؟؟
طمنوني الله يطمن قلوبكم بالعافيه ،، واللي ترفع موضوعي الله يرفع قدرها