ربي يجزيك الخير ويعطيك ما تتمني فيما فيه الخير لك

سبحان الله والحمد لله والله اكبر

انا امس جيت من عندها الصراحة مررررررررررة ماعجبتني
اول شي ماهي محجبة ولما دخلت عليها بالغرفة حسيت بضيق لان الغرفة اساسا صغيرة وضيقة وملبانة عفش مو مرتب , وسريعة في الكشف لدرجة انها حسبت حملي اني في اول التاسع وانا اصلا في نص الثامن , وانا اعاني من انقباضات في الرحم ,((بالله على كلامها بما اني في التاسع على قولتها احد يعطي ابر تثبيت للبيبي في الشهر التاسع )) والحمدلله استشرت كده دكتور شاطر كلهم قالولي الابر لا تاخديها مالها داعي
مرة اتضايقت وخرجت من عندها ابكي ونفسيتي زفت لانها فجعتني

وفي شي تاني بما اني ولادتي قيصرية تقولي اولدك نهاية التاسع .....كل الدكاترة يقولو في نص التاسع لان قيد مات لي بيبي وعمره اسبوع تقول عشان نضمن صحتو الصراحة مرة مارتحتلها ولا اقتنعت

واعطتني تحاميل للالتهابات وهيا اصلا اش عرفها انو عندي التهابات من غير ماتكشف((( سبحان الله )))
لانها تقول ان الاتهابات هيا اللي تسوي الانقباضات هادي وهيا زي الطلق الخفيف

حبيت اقول راي وتجربتي والله على ما اقول شهيد مع انو عندها زحمة واكتر مريضاتها من نفس جنسيتها
ادعولي ربي يتمم حملي على خير ويفرحني بشوفة ضنايا سليم معافا يارب ويرزق كل محرومة