السلام عليكم ورحمة الله وبركاته
لفت نظري موضوع اختي حرة على كف صقار (وَأبَيِهمُ تَحْتْ يَكّبُرُوْن )
وقد ذكرت فيه اخطار التقنية على ابنائنا > جزاها الله خير
فحبيت اتطرق على هالجزء وخصوصا الجوال هالتقنية المفيدة جداً جداً
وبنفس الوقت الخطيرة الى درجة الضياع
فاذا كان استخدامها من بعض الكبار وانا قلت البعض يستخدمونها غلط وبطريق ضياع وهلاك فما بالك عندما يستخدمها طفل صغير بنموؤه وعقليته وتصرفة الصغير ..
الموضوع جداً خطير بدأ ينفلت من تحت ايدي الكثير من الاهل بحجة كل الاطفال معاهم جوالات شمعنى ولدي ما عنده ,, او مضطرة اخذه عشان ادق على ولدي او بنتي لما نطلع مكان > طيب ما قلنا شي للمضطرين بس مو بلاك بيري او ايفون او مدري ايش من نوع >> فيه ناس تعطية اولادها بس اذا طلعت معاهم مكان وكمان جوال من غير بلوتوث ولا كاميرا ولا شي > فقط استقبال واتصال لا غير , وكمان لفترة محدودة واول ما يوصلون البيت تسحبه منه > ولا اخفيكم اخواتي فقد اقترحت هالفكرة على زوجي خصوصاً انا واولادي نطلع كل خميس فقلت له ماعليه اعطي ولدي الكبير (10 سنوات )جوال قديم معاي لو تعرفونه ( الكشاف ) مافيه لا بلوتوث ولا كاميرا ولا شي بس اتصال واستقبال > وقلتله اول مانوصل البيت باخذه منه فرفض زوجي رفض قاطع وقال لا تفتحين باب علينا وبكرة بيقول غيريه اصحابي يضحكون علي وبيقعد متعلق بالجوال وبيطلب اللي اكبر منه ,
فأحسن شي خليه كذا وربي الحافظ ومصيرة بياخذ جوال بيوم من الايام ربي يحفظة بس بهالتوقيت غلط وصغير.
هذا ولدي ابو العشر سنوات > فأيش رأيكم باللي ولدها عمره 5 و6 سنوات ومعاه من اغلى وافخم الجوالات وامه تقول احنا في خير ليش ما نشتري له ,
والله يا اخواتي عندي جارتي الله يستر عليها كنت احذرها من هالجوالات وكانت تقول اولادي اذوني واضطريت اشتري لهم , واقسم بالله ما اكذب عليكم لان بابي امام بابها , وهي مدرسة ومسكينه تنام بدري وراها دوام واولادها بغرفتهم تحسبهم نايمين وهم بعد امهم ما تنام اسمع فتح بابهم بنص الليل لان عندي بنوته عمرها سنه واضطر احيانا اسهر معاها > فلما اسمع صوت استغرب واطالع من فتحت الباب واشوفهم بالدرج امام بيتي ومعاهم جوالاتهم يكلمون واحياناً يلعبون فيها >> وانا معاي اولاد واخاف الله وحسيت انها ماتدري وبالفعل المسكينه ماتدري عن شي وكلمتها عن اولادها وقالت طيب وبعد فتره اشوفهم معاهم بلاك بيري وما ادراك ما البلاك بيري > خرب الكبار واخذ وقتهم فكيف بأطفال فحذرتها مراراً وتكراراً والان الاولاد صاروا بالمتوسط والثانوي ووالله العظيم امهم مو قادرة عليهم وطموحهم بالدراسة انخفظ والكبير ما يبغا يكمل لان كل شي معاه من جوال وسيارة ولاب وكل شي تتخيلونه > والله ما قلتها الا للعبرة > الله يهديهم ويصلحهم لان امهم مرة تعبانه معاهم والان مقدمة على تقاعدها عشان تقعد تراقبهم والله على ما اقول شهيد..
المهم طولت عليكم >> بصراحة خلونا نتناقش ونوصل لحل ويمكن موضوعنا هذا يكون فيه هداية لبعض الامهات هداهن الله وايضا يمكن نعرف وجهة نظر كل ام معطية لاولادها جوالات او اسبابها ..
والحكيمات حياهم الله وياريت يعطونا نصايح
واللي عندها تجارب او سمعت عن اخطار هالتقنية ( الجوال) تقولنا عنها
خلونا ننقذ فلذات اكبادنا قبل لا يضيعون >> ربي يحفظهم بحفظة ويرعاهم بعين رعايته اللتي لا تنام ..
حياكم...
ندى الايام1 @nd_alayam1
محررة ذهبية
يلزم عليك تسجيل الدخول أولًا لكتابة تعليق.
فـوفـى
•
انا اشوف الي تعطي اولادها وهم بالابتدائي مدري ايش تفكر فيه انا اخاف لم اشوف هذا المنظر لاني افكر معطياه جوال ومطلعه طول الوقت ويمشي فيه بالسوق ممكن ينخطف الطفل بسبب الجوال
وامي كانت مشتريه لاخواني جوالات لانهم يطلعون ويلعبو بالشارع واحيان يروحون عند اصحابهم ونحتااجهم ضروري لان ماعندنا غيرهم <<جوالات استقبال واتصال كانو اولى متوسط مع انهم صغار بس ايش نسوي
بس الحين ماشاء الله كبرو وكل واحد اخذ جوال على كيفه
وامي كانت مشتريه لاخواني جوالات لانهم يطلعون ويلعبو بالشارع واحيان يروحون عند اصحابهم ونحتااجهم ضروري لان ماعندنا غيرهم <<جوالات استقبال واتصال كانو اولى متوسط مع انهم صغار بس ايش نسوي
بس الحين ماشاء الله كبرو وكل واحد اخذ جوال على كيفه
دلوعته.
•
عندنا في الحي كللللللهم معاهم واخوي خامس ابتدائي قلب الدنيا وفووق تحت لحد ماالوالد اشتراله بلاك بيري والله من الدلع الزايد
لكن للامانه تحت المراااااااااااقبه
لكن للامانه تحت المراااااااااااقبه
الصفحة الأخيرة
فعلاً هالجيل صار يخوووف والله العظيم عيال خالاتي واحد ب2 واحد3ابتدائي معاهم بلاك بيري وضايفين بنات وأشياء تشيب الراس ماتتوقعين تصدر من اطفال بالهعمر والتصرف الي سويتيه انتي وزوجك عين العقل ووالله يحمي اطفال المسلمين