ماآآلي شوق :

آآآآآه دمعتوني ابي ذيك الأيام ترجع يازين الشارع وريال العصريه والله يابنات بذيك الايام اكشخ عشاء عندنا ومحد قدناونفتخر فيه كأنه جبينه من البيك في وقتنا ذا هي(((البطاطس المقليه))لوحدها بدون كتشب ومايونيز ولا نعرف العصير مع العشا اما الآن البطاطس ماتنوكل لوحدها والله كذا مره اجرب ماقدرت غير مع مايونيز سبحان الله كنا نرضى باي شي وكنت اروح للسوق مع امي بس علشان اشتري من الحجه دقه وقرمش اما الآن الحجات مالي الدنيا وكان كل بيت بجنبه زريبت غنم يازين ريحتها ويازين الكشتات والقيلات والطلعات من الساعه7 الصبح واحنا لامين عفشناوتيسنا معنا وقدرنابالحوض والله ماوحشني غير القعده بحوض الددسن وابوي يلفلف فينا كأنا بحديقة الحكير ههههه

آآآآآه دمعتوني ابي ذيك الأيام ترجع يازين الشارع وريال العصريه والله يابنات بذيك الايام اكشخ...

امولـــة :

:26: انا من الرياض ي حبيلن ايام طفولتي منتهي الشقاوهـ مطفوقهـ على اصوله ....... اذكر كانت توها ملاهي الخيمه فاتحه وامي تاخذنا هناك ... طبعا من قدنا رايحين ديزني لاند ولا اصدق على الله متى يجي السبت اعلم صقيقاتي وش لعبت وش اكلت وطبعا هات من البهارات والارانب اذكر كنت اطلب ميرندا حار وبطاطس بارد ومارس مايع ويله ي بلع ولعب بلع ولعب بلع ولعب ي علينا بطون وارجع للبيت حايمتن تسبدي ميرندا وشمس ومراجيح ........ .......... اذكر كان عندي فستان احبووووه قوه يمكن لو سألون ذيك الفتره هو ولا ابوك وامك قلت (هو) بلا منازع منفوش وكل الوان الكون فيه وفصوص وفيونكات وابااااات ؟؟؟ (الابه في معجم العرب هي شيء يوضع حول رقبه البنت ويتم احكامه من ورا حتى تطلع عيون الفتاه وتدودل بالارض تخنق البنت خنق بس وش نسوي كانت موضه) ومنسقه مع الفستان شراب كشكش وتوكه كبر راسي وكل ماطاح بيدي شيء ركبته عليه باقي بس كفارات سياره ابوي كل اللي تبون وكنت اصيح خايفه اطول واكبر ثمين يصغر علي ويقصر وامي تقول لي اذا صغر نعطيه بنت عمك على باله تهون علي ماتدري انه الموؤوؤوت :icon33: مالقيتي الا بنت عمي اللي انا وياها حرب وضرب الزباله اهون بكثيرااااات ...... ............ واذكر ابوي الله يحفظه طافن بي مدري ليه لاعبين عليه وقايلن له حبيبه كنت مااكل رز امي مااحب الاحمر فـــ يوديني هرفي طبعا الصايعه هي اللي تروح هرفي واخواني يقولون لاابوي لاتوديها عيب وجدتي تقول لاتخرب البنت خله تنطق تاكل اكل البيت وامي تقول لو جاعت بتاكلنا بهدومنا بس ياحبيلوه مايسمعهم ماعليه من احد كنت وانا راجعه للبيت كني جايه من مرقص كلن يناظرن بطرف عين (ويستغفر) والبنات بالمدرسه يتغامزون هذي اللي تروح هرفي ماتستحي وتاكل قدام الفلبيني يمكن عشان كذا للحين ماعرست :icon28: ...... واذكر اخوي الكبير يقطع روس عرايسي كييييذا نجاااااااااااسه ولعاااااااااااااانه عقدته بالدنيا يشوفن مبسوطه واذا قلت له ليه ي وخيي تقطع راس باربي وليندا يقول الرسول بالحديث يقول ((ولتقطعوا روؤس عرايس خواتكم ان الله غفور رحيم)) تونا اخذين هالدرس انتي وش فهمتس بدروس خامس وانا دبشه اصدق واساعده واجيب له السكين ذكرتون اقوله هالسالفه اليوم واخذ حقي قهرررررررررررن ......... وعاد مريول المدرسه له ذكريات غير نهايه العطله تروح امي للعويس تجيب كم متر رصاصي وكم متر كحلي لي ولخواتي وتقول يله بوديهم للخياط حطو موديلات كنا نتفنن بالزم والكلوش والحزام والازارير الذهبيه تقولون بشير حمد شنان اللي مانساه حطيت موديل مره اسهم رايحه وجايه ونجوم على كتوفي من حبي للزين بهبل بالبنات واخرشهم اول يوم بالمدرسه قالت لي المديره هلا والله بالنقيب //// أأمل بكرا تجين بمويول اوادم موب بدله عسكري عاد لقطت وجهي من عين وخشم واذن ... من الساحه وغيرته ثاني يوم ........ وابوي يروح يشتري لنا اغراض المدرسهّ من البطحاء ومنهي الكشخه اللي معها تفاتر سلك مسطرهـ وقلم ضغاط ومساحه اللي تطلع ريحه فواكهـ ومقلمه بيانو (((والطامس))) ومااادراك ماالطامس يوم طلع انهبلناأإأإأإأإأ صوعقنا نتهامس بينا وبين بعض بالفصل تدرون ان فيه شيء يمسح الحبر واذكر جابته بنت عندنا اردنيه وكلنا طوابير عليها نتمنى ترضى تصير صديقتنا وهات ي رشوه شبس تسالي وعصير سن توب ومصيص ونفيخ ودفتر سن توب كامل حول العالم وصار معيار الكشخه والرقي عندنا الطامس وطبعا شنطه فسحه مع مطاره ومره قعدت اصيح على ابوي ابي قلم مكتوب عليه اي لف يو فرند وهو يحاول يفهمني انه عيب وانا ماعلي ابيه يعني ابيه فرند فرند المهم اكشخ قدام بنات ((رابع جيم)) ....... ....... ومره من حبي للزين شميت عطر عند امي القديم فيول الاسود يهبل للحين ريحتوه براسي ومن زين ريحته قلت اعطر بطني واجيكم وابخ بخه بفمي وعينكم ماتشوف الا النور ساده هذا حب الزين ......... ومره جايب لنا خالي مانجا كنا عندهم زياره بديرتهم ماكنت صغيره بالمتوسط يمكن وانا اموت عليها ادمان قال روحي غسلي لنا كم وحده وتعالي ناكل قلت ((لا شبعانه ولا اطيق المانجا وانا سعابيلي تقووووطر)) واعطيه صحنه واروح اتخبى بغرفه الحريم وهات ي بللللللللللللع من قلب واللي حول فمي كله مانجا والريحه ياااكافي وثيابي غرقانه ولا دريت الا خالي داخل علي تارك شماغه وبيأخذه وانا بهالمنظر مايمدين اسوي شيء تمنيت تنشق الارض وتبلعن وقعدت اتعذر انا وجهي واقول خربانات وانا قاعده افحصهن ومره انا وبنات الجيران نلعب دكتوره وممرضه ومعي لعبه ادوات طبيه وتجي بنت جيرانا بيدها جرح كبير واجيكم اروح اخذ فيكس وادخله بالجرح مدري وش هالنجاسه والبنت تصرررررخ وانا وخواتي ماسكينها وهي تصرخ طلعت من عندنا ولا عاد رجعت مجرمه ومره لقيت بيضه حمامه بالحوش ولا لها ام ولا شيء واقعد اصيح يحووول بتموت قالت امي لو امها تنام عليها بتكبر وتصير حمامه وتطير قلت مابدهااااااااش ي بنت اموله واجيكم واقعد عليها وامي ميته ضحك على شكلي ولا تركت احد بالعالم ماقالت له اني قاعده على بيضه تعبت من الكتابه راجعه لكم قريب بذكرياتي السعيده ايام رمضان من قدر المهلبيه وفوازير اطفال المدينه والشوشه اللي كل شعره تبعد عن الثانيه 4 سنتميتر ورايحه للتراويح بكل ثقه وبكعب امي اطقطق ونظارات ابوي السود وكل علبه البنس بشوشتي مشكورى راعيه سواليف على هالموضوع من اجمل المواضيع اللي قرأت عسوله انتي والهي ..... الف شكر يالغاليه ويااامال الثانكس فوتكم بعافيه

:26: انا من الرياض ي حبيلن ايام طفولتي منتهي الشقاوهـ مطفوقهـ على اصوله ....... اذكر كانت...