اللي يبينآآآآ عيت النفس تبغيه ..واللي نبيه عيآآآ البخت لا يجيبه~

السلام عليكم جميعا ...


موضوعي يمكن يكون غريب او مو متعودين عليه ... لكن حبيت اطرحه لانه يدور في بالي من فترة طويلة ....



اكيد كلكم سمعتو بالمثل اللي يقول :


اللي يبينا عيت النفس تبغيه .. واللي نبيه عيا البخت لا يجيبه ....

وهذي قصت هذا المثل :

قصيدة للشاعرة نورة الحوشان حيث كانت تعيش مع زوجها عبود بن علي بن سويلم وقد وقع بينهما خلاف ادى الى طلاقها طلاقا لا رجعة فيه وبعد الطلاق تقدم الكثير طالبين الزواج منها حيث انها امرأة جميلة ومن عائلة معروفة وقد رفضت الزواج بعد زوجها عبود الذي كانت تحبه وترى فيه مواصفات الرجل المثالي وذات يوم كانت تسير على طريق يمر بمزرعته وبصحبتها أولادها منه عندمامرت بمزرعته رأته فوقفت على ناحية المزرعة وانطلق الاولاد للسلام على ابيهم وبقيت تنتظرهم الى ان رجعوا اليها فأخذتهم واكملت مسيرها وقد تذكرت ايامها معه وتذكرت من تقدم الى خطبتها بعد طلاقها ورفضها لهم فقالت قصيدة مؤثرة مطلعها :




يا عين هلي صافي الدمـع هليـه
واليا انتهى صافيه هاتـي سريبـه



يا عين شوفي زرع خلك وراعيه
شوفي معاويـده وشوفـي قليبـه


مـن أول دايـم لرايـه نماليـه
واليـوم جيتّهـم علينـا صعيـبـه


وان مرني بالدرب ما اقدر احاكيه
مصيبة يـا كبرهـا مـن مصيبـة


اللي يبينا عيت النفس تبغيه
واللي نبيه عيا البخت لايجيبه





اسألتي للنقاش هنا هي :

1- هل تعتقدون ان الانسان دايم يبحث عن الشخص االصعب المنال ؟
2 - اذا الشخص امضى حياته يبحث عن الانسان الكامل بوجهة نظرة , هل تنصحون انه يحافظ على ارائه ويظل عليها حتى لو مرت السنين بدون مايحصل عليه او يقدم تنازلات عشان يمشي حياته ؟ ( بمعنى هل اذا تعلق الشخص بمواصفات معينه للشريك يظل متمسك بها الين يلقاها او انه يحاول يتناساها او لا يتعلق بهذي الصفات ويرضى باي شي عشان يكمل مشوار حياته ؟
3 السؤال الاخير : اذا صادف ان الانسان اللي تبيه مايبيك على قول الشاعرة واللي يبيك انت ماتبيه ! اي الخيارين تختار وليش ! ؟




بانتظار نقاشكم لتوضيح الاراء وتقبل وجهات النظر المختلفة .. وذلك للفائدة والاستفادة من تجاربكم او تجارب غيركم ..