يسلموووو عالمسجات الحلوه يا قمر ..

البسكوته كملي
روووووووووووعه

مشكورين ياعسل
التونسية تسلمين ياقلبي
السكن والعطاء مشكورة
القمورة أمورة تسلمين على كلامك الحلو
بروجة
لقيت روحي
كتير ناس
alssaber
كلكم الله يجبر بخاطركم وشكرا لأنكم شاركتوني والله لا يحرمني منكم ولا من تشجيعكم

يالله بسم الله نبدأ ونكمل وانشالله يحوزون على رضاكم وتطرشونها لأزواجكم تراني جربتها وسوت شغل ههههههههه الله يسعد الجميع انشالله

صباح الخير لا أكثر
صباح الورد بأنواعه
صباح الشمس لى تظهر
ونور الفجر وشعاعه
صباح السحب لى تمطر
كل لحظة وكل ساعة
صباح الورد المعطر
بدهن العود وأتباعه
وفوق أكثر ماتتصور
صباح الأمر والطاعة

أرسل سلامي مع نسيم الهبايب
لا ذعذع الشرقي وهب البرادي
كم غالي عن نظرة العين غايب
ماغاب عن قلبي وداخل فؤادي
مشتاق أشوف أغلى البشر والحبايب
هو ذا غذا روحي وشربي وزادي

كتبت أنا تالي الليل بيتين
لعيون من يسوى جميع الخلايق
اللي معاهدني على الزين والشين
واللي بشوفه يصبح الفكر رايق
الصاحب اللي منزله داخل العين
هو الحبيب وقت السعة والضوايق

هلا بصاحب عزة النفس والجود
اللي تسعد النفس ساعة وصاله
لو يبتعد عنا على البال موجود
ذكره على الخاطر برغم انشغاله
وافي ولابه من العذاريب منقود
جعل السعادة عبر الأيام فاله

ياسائل عني من القلب لبيه
صوتك عزيز وغصب عنا نلبيك
مثلك من الأجواد لاشك نغليه
ونفتح لك أبواب الخفوق ونحييك
أشري رضى من يشتريني وأراضيه
وأقول له بالروح والعين نفديك

أدري الرسايل تالي الليل ازعاج
بس وش حيلتي
اذا الشوق صوبك خذاني ؟؟

بطلبك يانور عيني كان مافيها كلايف
لا نويت الجرح فيني اطعن بحد شطير
الغلا ياصاحبي ماهو حكي وسط الشفايف
الغلا لا صار سيفك في معاليق الضمير

أصابعك ماهي بكفك سوية مايستوون
الناس .. لا تظلمني وأظلمك
أنا لو أشبهك بالبقية
من يشبهك يابعد قلبي وعيني ؟؟
بعلن عليك الحب .. ماهي خطية
وش فيه لو بيحت خافي كنيني ؟؟

أبشر ياهوى البال والروح
لا يهمك اي مخلوق غيري
ما للغلا ذوق ولا للغلا روح
لويختلف في يوم عنك مصيري
باب الغلا والشوق والود مفتوح
مفتوح لك مادمت ساكن ضميري

أشتاق للي غاب عني دقايق
ودقيقتي في غيبته كنها عام
لحظات غيابك ياحبيبي تضايق
واشلون لو خليتني عدة أيام ؟؟

يامرحبا وأهلا وسهلا وحياك
ترحيبة جاوب عليها لساني
ترحيب من قلب يحبك ويهواك
غلاك عنده ماله حد ثاني
ترحيب من قلب لي تكلمت لبيك
ويود لك ود الغلا والحناني

صاحبي من دونك العالم صعيب يسكنه حزن ويغشاه السكون
الفرح عن دنيتي أصبح غريب والسعادة صاحبي صارت شجون
من ملكت القلب أصبحت لي قريب شخصه أحبه أعشقه حد الجنون
كل أحزاني بقربك لي تطيب يابعد روحي ياخلي الحنون

وبس
ادعولي الله يفرج لي والصحة والهداية لأولادي ويرزقني من حيث أحتسب ومن حيث لا أحتسب الله يفرج همكم جميع انشالله

تحياتي

مشكوره حبيبتي بس نفسي تكتبي اذا عندك مسجات عتب وتهزيى بأدب

مشكورة حبيبتي على المسجات وربنا يفرج همك ويرزقك الصحة والعافية والرزق الحلال .