بسم الله الرحمن الرحيم
السلام عليكم
كيفكم ياكروشات ...الله يسهل عليكم ......ويرزق كل محرومه يارب
بحكي قصة ولادتي بالتفصيل لاني اعرفكم تحبون الهذر الزااايد ...زيي
ولادتي كانت في 2-12
المهم انا من بداية حملي انا تعبانه الله لايضيع اجرنا واجر كل ام
وكنت مهملة في مسالة الادويه يوم اخذ وعشره لا الا الحديد كنت مداومه عليه لاني سمعت انه يكثر شعر الجنين
ولمن دخلت التاسع حسيت بالثقل والتعب لدرجة اني ماقدر امشي ولااشيل أي شي ولمن زوجي شاف حالتي قال مابدهاااش لازم اجيب شغالة تساعدك وحصلنا اندونسيه الشهر ب2500 شوف الطمع بس وش اسوي كنت محتاجتها بيت وعيال
المهم جت الشغاله من هنا وانا نوم من هنا ...اذا صحيت من النوم اطلع من غرفتي واروح انسدح في الصاله وهكذا لا مشي ولا حركه ولا شي
وانا كنت اعتقد اني بولد في نص التاسع زي ولادتي اللي قبل هذي ...بس كيف تجيني ولاده وانا لاشغل ولا مشغله وحتي مشي ماشيت
وامي كل شوي تتصل علي هاه ماولدتي لانها حجزت يوم 28 ذو القعده بتجي تنفسني وتقول اخاف اجي وانتي لسى ماولدتي واخلي ابوك واخوانك لحالهم لازم تمشي لازم تولدي بسرعه انتي فاهمه اولدي بسرعه..:44:
قلت خلاص لازم امشي واخذ مسببات الولاده من اعشاب ومشروبات
وصرت امشي كل يومين واركب الاورتبيك ..وشافني زوجي مدهره فوق السيكل قال هذا اركبيه بعد الولاده مو الحين مع اني مو مره زاد وزني 67ك بس ...من زين جسمه عااد:mad:
وقربت اخلص التاسع ومافي أي بوادر ولاده وامي اقلقتني ..فديتها ..اولدي اولدي ..كنه بيدي
ومابقيت شي ماسويته شربت قرفه وخلطة الحليب وكلت اناناس طازج شميت حلتيت وحطيت منها على الكوتكس وتبخرت بقشور بصل ومره ..بس بدون فايده ؟؟؟؟وجاني احباط شديد ودي اولدوارتاح وكمان عشان الشغاله بدى يخلص الشهر وتروح وانا ماخلصت...وكذلك امي غيرت موعد رحلتها خلته يوم 2ذو الحجه ولمن غيرت الحجز ارتحت شوي
قلت لزوجي خلاص لازم اخلي الدكتوره تعطيني طلق صناعي عشان اولد طبعا قال لا ليه عشان اقعد اعالجك طول عمرك قلت ليش كل الحريم ياخذوها وماصار لهم شي ويكيت وقلت انت ماتحس فيني انا تعبت جسديا ونفسيا ,,,المهم كنه حن علي قال اليوم عندك موعد عند الدكتوره وهي اللي تقرر
ورحنا الموعد عند الدكتوره جيهان في التداوي وطبعا عندها زحمه ودخلت عندها وقلت ابغى تعطيني طلق صناعي وكمان ابغى ابرة الظهر قالت تعالي بعد 3 ايام يعني يوم السبت قلت خلاص هانت ومرت الايام 3 تقيله ويوم السبت ااتجهزت واستشورت شعري .:27:...رايقه ..ووصيت الشغاله على اولادي واخذت شنطتي ورحنا انا وزوجي على المستشفى ودخلت عند جيهان قلت هاه يادكتوره اديني طلق صناعي طالعت في ملفي قالت انتي لك يوم 1بس في العاشر لازم اعطيك فرصه اسبوع يمكن تولدي طبيعي ...عاد انا :icon33:..قالت تعالي اكشف عليك كشفت طلع الرحم فاتح 1ونص قالت خلاص تعالي يوم الثلاثاء قلت لا يادكتوره ابغى يوم الاثتين لان عندي ظروف صعبه وامي جايه يوم الاثتين وهي تقول اولدي اخلصي علينا ومابغاها تجي الا وانا والده وترجيتها لين وافقت قالت تعالي يوم الا ثنين الساعة 6 الصبح
رجعت البيت خائبة والشغاله لمن شافتني قالت مافي بيبي قلت مافي وحزنت لانها كان ودها تشوف البيبي قبل لا تروح
وجى يوم الاحد وكنت خايفة مره لان عندي بكره طلق صناعي وقعدت اقرا عنه وخفت لان وحده كتبت انو وحده اخذت طلق صناعي والرحم مسكر وتعبت كثير
وقمت امشي في البيت وقلت خل اشرب خروع عشاان بكره مايعطوني حقنه شرجيه الله يكرمكم وبعد ساعه واشتغل المغص وصرت رايحه جايه على الحمام الله يكرمكم
وجت الساعة 12 قلت خل اروح انام عشان بكره اكون نشيطه عشان الولاده وقعدت اتقلب فوق السرير لين 1 وبعدين نمت وصحيت على الساعه2 حكم على مغصه شديده رحت الحمام الله يكرمكم بعدين رجعت انام وبعدها ب5 دقايق وتجيني مغصة اقوى من الاولى وعلى طول الحمام ..وبعدها اخذت حبتين بندول ورجعت انام وشوي الا تجيني ذيك الطلقه نطيت من فوق السرير وقعدت اتوجع وصحى زوجي قال وشفيك قلت مافيني شي نام بس
وبعدها تجيني ذيك الطلقه الاقوى واصيح وابكي وبعدها قعدت ارجع قلت خلاص هذي ولاده ورحت اخذت دش وانا اتوجع وكل ماجتني طلقه جلست وسويت حركة القرفصاء ..طبعا مانصح فيها الا اذا وصلتي المستشفى لانها تسرع الولادة والحمد لله لو ما الطريق كان فاضي ومافي زحمه كان ولدت في السياره
االمهم خلصت ورحت اصحي زوجي وانا احبي على الارض من شدة الام وكان الطلق ورا بعض وصحى ورحت في الصالة استنى يجي ويوديني وتاخر علي ورحت اشوفه والا حصلته نايم في غرفة الاولاد وصحت عليه قوم انا بموت قال خلاص باخذ دش واوديك:mad: ,,يابروده قلت خلاص انا بولد وبعدها تجيني ذيك الطلقه ماقدرت امسك نفسي وقعدت اصيح والشغالة رحمتني وقعدت تخاصم زوجي تقول يالله بسرعه ماما تعبان وقام يلبس وعلى طول المستشفى وقطعنا الاشارات كلها والطريق فاضي الساعه3 الفجر ودخلت المستشفى وكشفت على الدكتوره هنديه قالت 5 سانتي وقعدت ابكي واصيح واقول وين دكتورتي قالوا كلمنها الحين بتجي قلت اعطوني ابرة ظهر قالوا خلاص بنكلم الدكتور وكل ماجتني طلقه جلست وعملت قرفصاء والممرضات يصيحون علي لا مدام مو كوبس لازم رحم يكون 10 سانتي وانا اصيح من الام وماعندي غير اعطوني ابرة الظهر وزجي مره رحمني وكان خايف علي ..طبعا كان معاي مويه زمزم مقري فيها شربت منها ومسحت بطني ..المهم طلعوني غرفة الولاده ودخلوني غرفة تغير الملابس وغيرت وكنت اصيح اقول ابغى الحمام والممرضه تقول لا بعدين انتي اولد في الحمام قلت بروح الحمام يعني بروح ودخلتني وانا في الحمام انفكت على موية الراس وانا اول مره تنفك على المويه دايم الدكتوره اللي تفكها في ولادتي السابقه وبعدها شفت الموت من قوة الطلق والممرضه تكلمني بحنيه تقول ليش تصيحين انتي قد جربتي الولادة من قبل ((كن اللي قد ولدت من قبل ماعاد يجيها طلق )) وانا اخاصمها اقول اسكتي عني الصراحة انها استحملتني كثير المهم اخذو مني تحليل دم ودخلوني غرفة الولاده وجابوا جهاز الطلق والله اني اطالع فيه وانا كارهته مره واقول في نفسي ماراح اخليهم يركبون علي (مامداهم يركبونه علي :time:)
المهم ازعجتهم ابغى ابرة الظهر قالوا الدكتور لسى ماجى قلت اعطوني كمام وجابت لي الكمام واشفط فيه ماجاب فايده كل ماله الالم يزيد وانا اصيح باعلى صوتي والممرضه قاعده تلبس لسى وانا خلاص حسيت نفسي بولد واطلع على السرير وادف وهي تصيح تقول لا ولمن رفعت ملابسي شافت الراس وتصيح تنادي الدكتوره وانا ادف ويطلع الراس والطلقه اللي بعدها طلع ولدي واول مره احس بطلعة الراس احس اني تشققت من جد وعوذت ولدي من الشيطان الرجيم الحمد لله وجت الدكتوره واناخلصت واشوفها راحت جابت مناديل وتقول في جرح كبير ووقعدت تحاول توقف النزف وشوي الا دخلت دكتورتي جيهان وقعدت تخاصمني ليش جيت متاخره قلت لها ظروف قالت المره الجايه تعالي بسرعه ضحكت وانا مالي نفس لضحك قلت خل انسى اللي جاني اليوم ..جابوا ولدي وحطوة على صدري وانا تعبانه ماقدرت حتى اظمه واخذوة مني وانا ماحسيت ..خيطتني الدكتورة واقولهم ابغى زوجي وين زوجي اثاريه مسكين رفظوا يدخلونه مع ان في ولادتي السابقه دخل قالوا خلاص ممنوع وهو يقول اسمعك تصيحين وادق الباب حق القسم ابغى ادخل بعدين سكتي فجاءة وخفت عليك مره وقعدت ادق الباب وبعدها بشوي سمعت صوت النونو لان ولدي مابكى على طول ويقول من فجعتي عليك لمن طلعت الممرضة تبشرني بولادتك وجابت الولد:04:عشان اشوفهه ماسالتها ولد والا بنت بس سلمت عليه ورحت احاسب وانا في الطريق اسال نفسي ولد والا بنت اللي سلمت عليه ههههههه
الحمد لله ولادتي تسهلت وبسرعة ولدت يارب لك الحمد لاني كنت ادعي كثير ان الله يسهل علي
يا بنات ادعوا لي ان الله يشفيني ويصلح اولادي ويرزقني برهم اللي اعجبتها قصة ولادتي ترد وكمان ماتنسون شكرا
واللي عندها اي سوال انا حاضرة
يله في امان الله :39:
زهره ذابله @zhrh_thablh
عضوة فعالة
يلزم عليك تسجيل الدخول أولًا لكتابة تعليق.
مبرووووووووووووووووك الولد
والحمدلله على سلامتك
صراحة ولادتك اكشن بس الحمدلله سريعه ماتعسرت كثير عقبال عندي ياااارب
والحمدلله على سلامتك
صراحة ولادتك اكشن بس الحمدلله سريعه ماتعسرت كثير عقبال عندي ياااارب
الصفحة الأخيرة
الله يرزقك بره ان شاء الله