وينكم ياحووووووووووووووامل

حنا مانسوي توزيعات
مانسميها كذا
نجيب شكولاته فخمة وحلوة وبس ونوزعها على سلامة الام
ونوزعها في البيت اكثر شيء
وفي المستشفى خاصة اذا قيصري
بس في المستشفى مانحرص كثير لان يجي زوار كثير وأغلبهم شكولاته اشكال والوان
فنوزع منها وبس
والله يقومك بالسلامة ياااارب

وسؤال عرض اذا مافيه لقافة
وين ناويه تولدين؟؟
لاني قيصري مثلك وللحين مافتحت ملف وخااايفة موت لانها ثالث قيصريه واكيد بيحددونها من اول مو زي الاول بدون تحديد اسويها فجأة
ومحتارة بالمستشفى

الله يجزاك خير

انا مثلك محتاره والى الان مابعد شفت الطبيبه اللي بتسوي لي العمليه

ومحتاره بالمستشفيات كل ماقلت هذا قالوا فيه وفيه وخايفه لانها قيصريه

طيب انتي عملياتك اللي قبل وين وش نوع التخدير

مرحبا خواتي,,
بالنسبه لكل وحده تتكلم عن التبذير والاسراف بأي شي كان.. ابي اقول نقطه.. التبذير والاسراف هذا شي نسبي يعني انتي ماتقدرين تقارنين بينك وبين حالتك الماديه والحاله الماديه للآخرين.. يعني البعض الحمدلله ربي منعم عليهم ويحبون يفرحون الناس بهدايا وتوزيعات بشكل معقول يتناسب مع امكانياتهم ومب شرط يعني يصير قصدهم فشخره زي مايظن البعض..هذولا ناس ينطبق عليهم القول بأن الله اذا انعم على عبد فانه يحب ان يرى نعمته عليه.. مب شغل اللي اخبي كل شي ربي منعم علي فيه عشان عيون الناس والحسد!! معليش هذا مبدأ خطأ.. والله الواحد المفروض يتمتع بحياته وماله وبعياله مو تروح حياتي وانا اخبي كل شي عن الناس واحرم نفسي اني اتمتع بحياتي عشان الناس.. العين حق وانا ماقلت شي بس بنفس الوقت العين والحسد هذا قدر من الله ولن يصيبنا الا ماكتب الله لنا والواحد ياخذ بالأسباب ويحصن نفسه ويتوكل على الله ولا يقعد يبني حصون حول نفسه ويعذب نفسه عشان الناس..

عوده لصاحبة الموضوع...
الغالب يحطون توزيعاتهم في البيت لآن مو الكل يجي يزورك في المستشفى.. وحلوه لما تطلع منك الوحده زايرتك وموجبتك بتذكار من طفلك الجديد..

ام احلى وردتين
انا سويت قيصيريتين
الاولى من7 سنوات في مستشفى اليمامة
وكانت فجأة طبعا لان الطلق قعد يوم كامل ومويه الطفل نزلت
وكنت بكر
على طول بنج كامل
وبصرحة كانت العمليه والخياطة ممتازة والعناية رووعة
بعدها جبت طبيعي بنفس المستشفى من 4 سنوات وكانوا مدلعيني مرة يبغوني اولد طبيعي
بس من كثر السب في اليمامة خفت ارجع له
عمليتي الاخيره ماسويتها بالرياض وكان مستشفى حكومي وتو ماكملت سنة وكانت فجأة بعد بسبب الموية بعد وبنج كامل
بس كانت زفت مرة وتعب فضيع واهمال في المستشفى
الحين ودي بمدينه الملك فهد الطبيه بس احاول اجيب تقرير واروح
من كثر المدح تحمست عليها
الله يهون علينا يااارب