انا من ناحيتي صعببببببببببببببه ولا اقدر انسى ابد ابد وتبتنقلب حياتي(الله لا يقولها ياااااارب ولا لمسلمه)

شوفي حبيبتي ... المرأة لا تنسى خيانة الرجل لها ابدا .. يمكن تسامح وتعديها عشان الحياة الزوجية تستمر ... لكن ما تنسى ... لكن اذا استمرت من حقها تطلب الانفصال ...

في الغالب ماراح تتطمن له تمام على الاقل ماراح تعطيه الثقة الكاملة .... وماراح يرجع في عينها مثل اول ... ولا تقولين انه التقصير منها بصراحة حريم ها الايام ... اهتمام بالزوج من كل النواحي الجنسية والمظهر العام والهدايا والكلام الحلو .... وهذا ماكان موجود عند امهاتنا وجداتنا ..... ترجعين تحبينه هذا مرده للأيام بس اعتقد انه يتم في القلب شرخ ما يداويه اعتذار ووعود او حتى التزام ... ويصير مكان القلب احيانا حجر ... واجبات زوجية وبس ... بها الشكل مو هي اللي تفقده ... يكون هو اللي فقدها ويتم طول عمره يكفر عن ها الغلطة ويعوض عليها باللي يقدر واللي ما يقدر .... لكن ها المرة هي تكون موضع القوة مو هو .... هو يكون اللي مو عارف شو يسوي عشان يرد زوجته له ... ( كانت وحدة ربيعتي صارت معاها .. وقالت لي احسه قاعد جنبي ندمان ومشتاق لي ولا قادر يوصللي ...لآني خلاص صرت بعيدة)

وفيه شي بعد .. سالفة عشان العيال هذيك كانت اول وكانوا العيال لما يكبرون يقدرون امهم ويزعلون على اللي صار ... لكن الحين العيال لما يكبرون يقولون لأمهم شو اللي صبرج ... تقول عشانكم يقولون احنا ما بنموت اذا ماعشنا بين ام واب .... نفضل نعيش مع ام واب متراضيين وراضيين احسن من انا نعيش بين ام واب الاحترام والثقة بينهم مفقودين ... وعيال ها الايام واعيين وعقلهم كبييييييير ويفهمونها وهي طايرة وما ينخاف عليهم ابدا...

يا ربي تحفظنا من هذا المشكل و لكن كما قالت الاخت تحفة المراة يمكن ان تتناسى لا ان تنسى

و في نظري ما من شخص عادي يخون زوجته دون سبب

بتكون زي الختم وصمه في حياتها مهما قالت انا عايشه ومبسوطه ومرتاحه وووووووووووو تراها تكذب اسئليها اذا جاء اليل وكانت لوحدها وش يبكيها مهما عوضها وعطاها هذى مو شرخ بحياتها الاكسر ما ينجبر مانقول الاالله المستعان