السلام عليكم ورحمة الله وبركاته
انا لجأت الى الله اولا وآخرا ثم اليكم في هذا المنتدى اللي انا من رواده من سنين
ودائما القى فيه ضالتي
الله يجزى القائمين عليه خير الجزاء
مشكلتي هي اني في يوم من الايام صحيت اصلي الفجر ومسكت على اسفل رقبتي وحسيت ان في شي
مو طبيعي في عضمة القص واشوي الا اقوم عند المرايه الا هذي نفخة اسفل رقبتي مكان المفصل
قلقت اشوي لكن ما تؤلمني ومشيت افتكرتها عارض وبيعدي
والله بعدها ما القيت لها اهتمام
ومشت مع الايام بعدها بشهر حسيت ان في الام خفيفه مولذيك الدرجة وبدأت احس في يدي اذا مديتها بمثل الالتماس في بطن اليد
رحت بعدها المستشفى وعملو اشاعة وقلقت الدكتورة وحولتني على طبيب عظام الله لا يكثر من امثاله
اولا لانه مايعرف الا عربي مكسر وما يدري وش قلت له
وثانيا انه مستهتر لاخر درجه لانه يخيرني وش ابغى علاج طبيعي والا ادويه
وبعدين قلت ما ابغى علاج طبيعي باكتفي بالادويه ولقيتها مسكن وملين اعصاب
وما اخذتها لانه مايبشر بالخير هذا الدكتور
واعطاني مراجعه بعدها بشهر وما رحت في الوقت المحدد لاني سافرت ولما رجعت وقلت ابغى موعد ثاني مالقيو الملف يقولون ضاع
طيب كيف تكون مراجعة لانهم راح يعملو اشاعة ثانيه ويقارنونها بالاولى ......الله المستعان ولاحول ولا قوة الا بالله
ورجعت عند الدكتوره الاوله واعطتني تحويل عشان اروح عند الدكتور الفاشل ..اللهم اغفرلي يارب
لكن مافي غيره وبرضة حالة الاستهتار عنده دخلت عنده وفهمه زوجي انا قد جينا عندك وقلت مراجعه
لكن الملف ضاع بعدين سألني في الم قلت اشوي قال اش تبغين طبعا مكسر بالغصب نفهمه قلت
ابغا اجرب العلاج الطبيعي وحولني ذيك الساعة للعلاج الطبيعي ومن بعدها ما رجعت لانهم قمة الاستهتار
الله لايكثر من هذي الشخصيات اللي اسميهم الدخلاء
والله اني مقهوره على قولة واحده والله كأننا اثيوبيين عند سعوديين ما كأننا في بلدنا
اذا هذا يحصل في بلدنا اجل وش ننتضر من الغريب او من الدول الثانيه
والله انذلينا واحنا على تراب وطننا من الاجانب واتمنى يكونون الاجانب عرب على اقلها نفهم اللهجه
والحين اللي ارجيه من الله اولا واخرا ان تحل مشاكلي
اولها اذا احد صارله او سمعتم عن احد صار له مثل اللي صار لي من هذا الخلع وش سوا وكيف داواه هل
تعاج في المستشفى او علاج طبيعي او طب عربي الله يجزاكم خير
ثانيها اللي تبغى تنقل من مستشفى لمستشفى اخر مو في منطقتها في منطقة ثانيه هل هذا مسموح ممكن اطلبه من الدكتور او من المستشفى بحكم اني بأسافر لجدة وابي اتعالج في احدى مستشفاياتها
وكثيرين قالو لازم شغاله لكن الحاله مرة مرة ماتسمح عشان ارتاح وعيالي وبيتي الله يحفظهم لازم كرف وشغل معهم مستمر
وبعضهم قالو لازم طبيب خاص لكن مثل ما قلت والله الحاله الماديه مرة مرة ماتسمح
اللهم لاتحوجني الا لوجهك الكريم
والله تعبت واللي همني عيالي والبزارين الصغار كيف اقوم بواجباتهم وانا على هذي الحاله
الحمد لله على كل حال ونعوذ بالله من حال اهل النار
وجزى الله خيرا كل من اعانني على حل مشكلتي ولكل من دعا لي بظهر الغيب
والله لايوريكم مكروه
dohh @dohh
عضوة نشيطة
يلزم عليك تسجيل الدخول أولًا لكتابة تعليق.
والله يالغاليه سالفة التحويل ما ادري عنها ..بس اذا بتسافرين ومطوله ادخلي اي مستشفى عن طريق الطوارئ
وقولي عن حالتك وخوذي تحويل لطبيب المتخصص بحالتك وان شاء الله يكون زين
وهو يقرر اي نوع من العلاج ينفع لك...
هذا الي اقدر اقوله ...وأسأل الله العظيم ان يشفيك عاجلا غير اجل.......
وقولي عن حالتك وخوذي تحويل لطبيب المتخصص بحالتك وان شاء الله يكون زين
وهو يقرر اي نوع من العلاج ينفع لك...
هذا الي اقدر اقوله ...وأسأل الله العظيم ان يشفيك عاجلا غير اجل.......
الصفحة الأخيرة
ان شاء الله البنات يفيدونك