استغفر الله

انتبهي حبيبتي تسجلين بهالشركات لانها قانونا ممنوع وحرام شرعا لانه فيه غش وتضليل لوزارة العمل ! هذا الرجل نصاب واستغلالي لان بعض التجار يستغلون النفوس الضعيفة التي لا تفقه شىء عن نظام لعب القطاع الخاص من مؤسسات وشركات وتغريهم بمبلغ مالي محول لحسابهم شهريا وانت ببيتك مقابل رقم هويتك او اسمك كاملا وذلك لتسجيل اسمك بالتامينات الاجتماعيه كموظفة في هذه الشركة فقط "اسم "عشان يسكتون الحكومة ولا احد يدري عنهم ويحطون اجنبي يشتغل بدلك .أنا كنت اشتغل بشركة وعندي درايه بهالامور . السالفه ومافيها ان اكثر التجار اللي يفتحون شركات مطالبين من الحكومة بتوظيف سعوديين كثير والحد من نسبة الأجانب ولان اكثر التجار مايبغون يشغلون سعوديين بشركاتهم يطلبون من السعوديين ارقام هوياتهم مقابل تحويل لهم مبلغ مالي بسيط شهريا عشان يستقدمون عن اسماءهم واحد اجنبي , وطبعا اذا اخذ رقم هويتك ماتقدرين تتوظفين بأي قطاع خاص لان اسمك موجود في التأمينات الاجتماعية كموظفة في الشركة وفيه بعض الشركات تسرق هويات الناس بدون علمهم وانكشفت الاعيبهم يوم سجلوا العاطلين بحافز وجدارة طلع لبعضهم " اسمك مسجل في التأمينات الاجتماعية يعني موظف ولا يحق لك التسجيل بحافز" وفيه واحد راح للشركة ومرمطهم وقال لهم تستغلون هويتي بدون علمي وتقطعون رزقي بدون ما ادري وصاحب الشركة يترجاه انه مايعلم وزارة العمل وقال الشاب اجل خلاص طلع اسمي من التأمينات الاجتماعية وعوضني بنفس الراتب اللي كنت تمشيه للاجنبي من يوم ما استغليت هويتي لحد الحين وفعلا عطاه صاحب الشركة نفس الراتب اللي مشاه للاجنبي وطلع له مبلغ جامد بس عشان ما يعلم عليه . صار ضجة بهالموضوع خاصة يوم طلع حافز طلعت فضايح الشركات المتلاعبه لان مساكين كثير ناس ارقام هوياتهم مصروقة وخاصة ارقام هويات الكبار والعجز

حبيبتي هذي الطريقه بس تطبق على الشباب
وهذا شكله بيستغل هالبنت بيورطها

والله يهديها

الطريقه معروفه بس بمقابل
اعرف وحده ابوها في شركه ومؤظف ربعه وجماعه برواتب 1500
على قولتهم سعوده اسماء بس
الله العالم بحكمها من ناحيه شرعيها

وهي اخطات يوم عطته وجه ماتظمن الاشكاال هاذي

اذا يهمها حلال وحرام

ترى مايجوز لها تكلم هالشاب من الاساس

لا تعطي احد معلوماتها ابدا

واحد ما تعرفه يسالها وهي تجاوب

متزوجة او لا وحافز وعلوم / هي موب بزر عشان ينضحك عليها

الحمد لله فكرت بعقلها وما اعطته الاسم

الله يهديها ويهدينا. /