اللي يسويه زوجي مع بنتي عدل؟؟؟؟

السلام عليكم ...
اشلونكم ....انه بدون لف ودوران بدخل في الموضوع على طول وابي نصايحكم عندي بنتي الثانيه عمرها 3سنوات وشهرين تحن تبي تروح الروضه لدرجة انها كانت تصيح لما كانت تشوف أختها الكبيره رايحه هاذي السنه اللي طافت وماكنت اقدر ادخلها لأنه سنها صغير المهم كسرت خاطري وقلت حق ابوها وناحس بنتج صغيره خليها وسكت وقلت اصبر وارد افتح الموضوع لأني بعد ابيها تروح لسبب انها حنانه :06:قلت خلها تصد شوي....:35:
المهم قدرت اقنع ابوها ودخلتها روضه عاديه مب في مستوى الروضه اللي كانت فيها اختها لأني ماحصلت لها مكان المهم اول الأيام مستانسه تركب الباص و هي تضحك وتسلم علينا عقب كم يوم بدت اللعانه مابي اروح وانه اشجعها لا روحي بيلعبونكم بيودونكم رحله وتسكت وتركب الباص وتنسى اللي سوته المهم من مدة اسبوعين مرضت اسهال وترجيع وحراره وخليتها اسبوع في البيت تدخل سي السيد الا ماتروح الروضه الا تقعد لي هي تقول بتروح اقوله مايصير يقول لاتعقدين الياهل بعدين تكره حتى المدرسه ارد اكلمه يقول لي لاتفتحين الموضوع ياربي شنو ذي هاذي الحين الأسبوع الثالث اقوله مايصير جذيه بتدلع علينا بتمشي كلامها مايصير حتى يمكن بكره ماتبي تروح المدرسه بتقول باصيح وبيخلوني ....
شاسوي رفعوا ضغطي هو وبنته تصدقون دافعه رسوم الكورس كامله مب حرام وهو قاعد يدلع فيها ويقول اذا راحت بتصير مشكله كبيره بينا تصوروا النحاسه ....بس باسألكم عدل اللي يسويه هل هاذي اساليب التربيه الصحيحه اللي يقول عنها وانه ماشوف فيها اي شي من الصحه ....نصحوني تكفون؟؟؟؟