اللي يصير لبنتي مرة مضايقني :(

بنتي عمرها سنتين وعشر شهور يعني تقريبا 3 سنوات ..

من يوم عمرها سنتين و 4 شهور تقريبا بدأت تعليمها على الحمام واستجابت بوقت قصير جدا ما شاء الله

لكن اللحين و بعد تقريبا 5 شهور من تركها للحفاظ بشكل نهائي عادت لتتبول على نفسها :(

والله يا بنات ماني فاهمتها ؟؟

قبل اول ما تحتاج الحمام تناديني او تنادي الشغالة بصوت عاااالي و بسرعة ركض على الحمام

اللحين صارت لما تحتاج الحمام تندس في اي مكان او زاوية بالبيت وتعملها على نفسها :eek:

يا الله ما ادري كيف اتصرف معها اعيد وا زيد عليها ان قضاء الحاجه بالحمام بس احس انها ما عادت تفهمني

شلي قاعد يصير لبنتي ؟؟؟

ودي افهم ..هي بصراحة فيها خوف مو طبيعي من الاصوات العاليه مثل الالعاب الناريه او المسدسات الناريه حقت الاطفال

يعني لما تسمع صوتهم تندس ورا ظهري وتبكي و تصرخ مثل الهبله وما تهدا الا لما اخذها على غرفة فاضيه في البيت

واقعد انا وياها بروحنا ..بس هل هذا السبب؟؟

وكيف اعالج الخوف؟؟ والله ودي اني اكون دكتورة او استشاريه مختصه في نفسيات الاطفال :(

ما بقى كتاب ما شريته بس ما احس انه ما فادني في شئ

من منكم مرت بهالمشكلة مثلي وكيف تصرفت معها؟؟؟

وكيف اعودها على الحمام مثل اول؟؟