السلام عليكم ورحمة الله...
بنات زوجي بيموتني ناقصة عمر ...ياخي بني ادم يصيح و ينافخ ويرفع الضغط وما يخلي سبه ولا كلمة جارحة الا ويقولها لي ...
هو شمالي شرقي .. وفاااقع مرارتي ... اي شي عنده مضاربة و صياح المهم ودي استشيركم
هو كل كلمة والثانية اتصلي على اهلك ياخذونك و هو علرف ابوي رجال كبير ومعه ضغط وىاخواني كل واحد في مدينة و لاهيين بازواجهم ..
حنا في ديرة ثانية بعيدين عن اهلي المهم اللي صار الجمعة تهاوشنا على سبب اتفه من التافه ... ورقة كان يبيها و ضاعت بين الاوراق خير ياطير مو انا اللي ضيعتها .... هو ضيعها بين اوراقه وفواتيره المهم ماخلا سبة ولا كلمة بايخة الا قالها لي ...
وكنت متواعدة معاه الجمعة اروح السوق على اساس عندنا عزيمة عشا الجمعة الجاي و بنعزم اخوانه واهله عندنا بيتعشون .... طبعا طنششني وحقرني وطلع ومارجع الا وحدة الليل ... و طبعا مافي فرصة ثانية اشتري لبس و ملابسي كلها خلاص مو حقت مناسبة يعني ما اقدر البسهن وهو عارف انه ماعندنا فرصة ثانية هو دوامه الين ٦المسا يجي ويقول حيلي مهدود ولو ايش ماصار ما بيوديني
المهم بنات انا قررت الغي العزيمة ... لاني بصراحة مو مجبورة اتبهذل والبس لبس مو مناسب عشان حضرته ما وداني السوق... بلغيها واللي يصير يصير لو توصل للطلاق ..
ليش اجبر بخاطره وابيض وجهه وهو يسوي فيني كذا .. مستكثر علي اللبس وربي انه ما اشتري الا كل كم شهر مرة وفي العيد بس.
لا مصروف يعطيني ولا راضي يشتري لي ... شورو علي لاني بلغي العزيمة واللي يصير يصير الزم ماعلي كشختي وراحتي وهو اساسا ما يستاهل حتى كلمة اسف مستكثرها علي الله المستعان...
شورو علي كيف افاتح ابوي اني ما ابغى هذا البني ادم ...وشلون اقنعه لان ابوي ماراح يرضى لانه يحبه وهو من الاهل...