بسم الله الرحمن الرحيم
السلام عليكم ورحمة الله وبركاته
حبيباتي لكل من تبي تبعد عن الكسل وضريبته
والاهمال في نفسها وبيتها وزوجها
اقدم شي بسيط عل الله ان ينفع به
بكتب جدول ينظم لك وقتك بحيث يصير عندك وقت للاهتمام بشكلك وبنفسك وبثقافتك وبدينك وبصحتك وزوجك لان الكثير تتعذر بشغل البيت وتقول ماعندي وقت اهتم بنفسي او ماعندي وقت اقرا او..او..او..
شوفي حبيبتي
قومي صلي الفجر واقري اذكار الصباح الاذكاار تجلب لك السعاده وتيسير الامور
وقومي جهزي فطور زوجك واطفالك وادخلي عليهم البسمه بحيث التعامل والطيب والدلع لهم لزوجك ولعيالك بحيث يروحوا لدواماتهم وهم مرتاحين نفسيا ومبسووطين وودعيهم عند الباب بقبله على كل واحد منهم واستودعيهم الله
والحين ابدي اقري جزء من القران صدقيني رح تحسين بسعاده كبيره لانك ماهجرتي القران لان الكثير تقول ماعندي وقت اقرا قران من الشغل والاطفال و..و..اعذار واهيه هذا اهم شي خلقنا لاجل عبادة الله ولابد نقرا القران يوميا لانه بياتي شاهدا لنا او علينا
بعد ماتقراي الجزء من القران.......
زيتي شعرك واربطيه وسوي قناع لبشرتك وبخار لتنظيف بشرتك طبعا القناع مو كل يوم على حسب بشرتك وكمان الشعر ماتزيتيه كل يوم
وابدي في بيتك غرفه غرفه وشغلي القران وانتي تشتغلين او محاضره او اذاعة القران الكريم
فتحي الدرايش وشغلي المراوح خلي بيتك يتهوى ويتعقم وابدي في الغسيل والكوي وتنظيف الحمامات والمطبخ وكنيس البيت وخلي لك ساعه للقراءه للثقافه العامه والاخبار لابد تقرين وتنمين ثقافتك في كل شي في الدين في الصحه في جميع المجالات اللي تنفع
واذا خلصتي شغلك من والى صلحي صينية حلى تاخذيها على القهوه بعد العصر او المغرب مع زوجك واذا بتصلحين في هذا اليوم عشا صينيه صلحيه وقصدريه وحطيه بالثلاجه لين يجي وقت العشا
المهم الحين قبل الظهر ركبي غداك وبخري بيتك وروحي سنفري جسمك وتروشي
والبسي لبس حلو وتكشخي واستقبلي زوجك واطفالك بابتسامه وانتي كاشخه ومرتبه صدقيني مبعث سعادة والزوج والاطفال بعد الله انتي
ابتسمي لهم حاولي تكوني البلسم لهم والملجا لهم بعد الله
حطي الغدا وبعد ماتخلصوا غسلي مواعينك وقدر الغدا لايبقى وراك ولاملعقه
الحين وقت لراحتك وراحة اسرتك نااااموا الى العصر
قومي العصر بتكوووونين فاااااضيه ماعندك ولاشي تسوينه البيت يلق وانتي مرتاحه لاشغل ولامشغله واذا جاك ضيوف فجأه او طلعه فجأه الا انتي مرتاحه وحلاك مصلحته من الصبح
قومي سوي القهوه وتقهوي انتي وزوجك واطفالك
بعدها ذاكري لهم وخلصي مذاكرتهم قبل المغرب
اذا جاء المغرب بتكونين فاااااااااضيه سوي اي شي تبينه بتروحين لاحد او احد بيزورك وع فكره بعض الناس ماتتقهوى الا بعد المغرب
المهم اذا جات حزة العشاء عشاك جاهز اذا كان صينيه بس طلعيها وحطيها بالفرن مع سلطه
او اذا بتسوين عشا سريع وخفيف
شوووووفوا ياحلوات ترى البيوت والانظمه تختلف
يعني الاهم ان انك تصحين من الفجر ماتنامين وتخلصين شغلك كله مايجي الظهر الا انتي مخلصه
ويكوووون العصر والمغرررب والعشاءانتي فاااااضيه
اعملي فيهم اللي تبين اما تمشيه او زياااره
او جلسه عائليه مع الزوج والاولاد او مسابقه تحطونها بينكم ثقافيه دينيه او اي شي
المهم حتى لو جاك احد فجاه الا انتي فاااااضيه وبيتك يلللللق
لانك لونمتي للظهر وقمتي ع طووول تصلحي الغدا بيصير العصر عندك شغل وركبه افرضي احد جاك او تبين تتمشين تخيلي مالك نفسك تروحين وشغلك في البيت ماخلص
طبعا اذا صحيتي الفجر وصلحتي اشغالك ونمتي بدري في الليل
شي افضل بكثيييير من اللي تسهر وتخلص شغلها بالليل لان نوم الليل هو اللي يفيدك ونوم النهار كسسل
هذا نظام جدااااا رح يرييييييحك وينظم وقتك وبنفس الوقت خليتي جزء لاخرررتك وجزء لصحتك وجمالك وجزء لثقافتك وجزء لبيتك وعيالك
طبعا شغله بقولها لكم
اذا خلصتي العشاء لايبقى وراك ولا ملعقه غسلي مواعينك وشبي الفحمه وبخري بيتك ونومي اطفالك والبسي لبس حلوووو لزوجك ورطبي يدينك ورجولك
ولاتنسي اذكااار النوم ونووووومه هنييييئه
وقومي صلي التهجد وصحي زوجك صلاة التهجد سعاااااده ورااااااحه مايذوق طعمها الا من جررررررررربها
واخيييرا دعواااتكم لي
وان شاء الله يفيدكم موضوعي ياحلوات مع السلامه
اختكم ام بلال:)
ام بلال.. @am_blal_7
محررة
يلزم عليك تسجيل الدخول أولًا لكتابة تعليق.
امل الانوثه
•
جزاكي الله كل خير نفع بك المسلمين......جيتي على الجرح ...............حنا مشكلتنا هاالنوم الصبح يربكني ربكه استنزف كل طاقتي بعدالظهر مافيه بركه يالله الحق الحين قاعده عشان بنتي لكن اناأذا جاني عمل الصبح بمدرسه كيف انظم قتي ياريت القى عندك خلفيه لانك ماشاء الله باين شاطره ............الله اني .طماعه
جزاكي الله كل خير نفع بك المسلمين......جيتي على الجرح ...............حنا مشكلتنا هاالنوم الصبح يربكني ربكه استنزف كل طاقتي بعدالظهر مافيه بركه يالله الحق الحين قاعده عشان بنتي لكن اناأذا جاني عمل الصبح بمدرسه كيف انظم قتي ياريت القى عندك خلفيه لانك ماشاء الله باين شاطره ............الله اني .طماعهجزاكي الله كل خير نفع بك المسلمين......جيتي على الجرح ...............حنا مشكلتنا هاالنوم الصبح...
طبعا الموظفه وضعها غييييير اكيد اغلب الموظفات عندهم شغالات واللي ماعندها شغاله تقوم بشغلها
ووضعها يختلف تكون الصبح مداومه والظهر نايمه واكيد مافيه الا العصر تسوي شغلها فيه وانا كمان انتظر الوظيفه الله يرزقنا واهم شي للموظفه مايجي الساعه8الليل الاشغلها مخللللص من والى وقد انها حضررررت مادتها
مشان تبقي ساعتين مع الزوج والاولاد ثم تنااام
والخميس والجمعه تمارس زياراتها العائليه
ووضعها يختلف تكون الصبح مداومه والظهر نايمه واكيد مافيه الا العصر تسوي شغلها فيه وانا كمان انتظر الوظيفه الله يرزقنا واهم شي للموظفه مايجي الساعه8الليل الاشغلها مخللللص من والى وقد انها حضررررت مادتها
مشان تبقي ساعتين مع الزوج والاولاد ثم تنااام
والخميس والجمعه تمارس زياراتها العائليه
شكرا حبيبتي ...........الله يرزقك بالعمل عاجلا غير آجل.............................انا مفكره أستغني عن الشغاله لان مضرتهن اكثر من نفعهن .......الله يكتب لنا لكم الخير
شكرا حبيبتي ...........الله يرزقك بالعمل عاجلا غير آجل.............................انا مفكره أستغني عن الشغاله لان مضرتهن اكثر من نفعهن .......الله يكتب لنا لكم الخيرشكرا حبيبتي ...........الله يرزقك بالعمل عاجلا غير آجل.............................انا مفكره...
اللهم اااااامين
حتى انا مفكره اذا توظفت اني مااخذ شغاله
ماارتاح لهم ابددددد
حتى انا مفكره اذا توظفت اني مااخذ شغاله
ماارتاح لهم ابددددد
الصفحة الأخيرة