اللي يعانون من جفاف بشرتهم أتحدى بشرتكم تمتلي قشور مثلي .. وانحلت في 4 ايام

بسم الله الرحمن الرحيم

اخواتي الغاليات

بشرتي حساسة جافة تطلع قشور فيها واذا حطيت الميك اب تبان القشور رغم اني ادهن قبله بس من شدة الجفاف
وتعرفوا في اليوم كم مرة نتوضأ فيزيد الجفاف

واذا ما غسلتها بالصابون تطلع حبة حبتين وان غسلت بالصابون ياسلام ع الجفاف

فنصحتني الاخت الدكتورة طير الحرم - عضوة هنا - بكريم اولاي توتل افكتس - غير معطر - كنت اشتريه من الصيدلية بـ 69 ريال وارتاحت عليه بشرتي ونسابني كثير ولله الحمد

استمريت عليه 4 سنوات بس معاد لقيته من كم شهر

وقبل العيد بـ 4 ايام كنت من بعد الفطور لين السحور كل شوي اشرب موية
وبديت احس ان بشرتي انعدلت وخفت القشور لين جاء العيد وخدودي موردة وبشرتي مصقولة ماشاء الله بارك الله .. مع اني فترة رمضان كلما قابني احد قال وش هالقشور في وجهك ليش ما تدهنيه .. اتفشل والله


وخلال اربع ايام مثل ما قلت لكم بشرتي صارت تجنن .. وقالت وحدة شافتني حاطة روج وكحل قالت حتى لو ما انت حاطة شيء تهبلين .. وعرفت ان السر في الماء واستمريت على شربه كل ساعة او نصف ساعة ..

حتى شفايفي كانت دايما مشققة لازم اسوي لها مرطب الاااان ناعمة ووردية ..


فالله الله في شرب الماء .. وتعالوا بعد كم يوم وسجلوا لنا تجاربكم في الموضوع .. وشكرا لكم جميعا