اللي يعاني من أقارب وقحين يتفضل

مرحبا بنات
بنات أنا عندي قريبات
فيهم وقاحه ويتدخلون
يعني مثلا طلعنا كوفي
معهم ومع خواتي مثلا أنا أقوم اطلب
تجي قريبتي هذي
تتمسخر من باب الموانه
تجلس ترمي على اختي كلام زي
انتي وراك ماتجيبين انتي وراك ماتطلبين ؟
انتي وراك ماتسوقين
وش وظيفتك اعتماديه
كنا نسلك بالبدايه
امي غلطتها ربتنا أننا نحترم ولا نعرف نرد
فهي صارت زي تتفشش بخواتي
هذا غير المقارنات تجلس تمدحني مثلا
وتحطم اختي اقسم بالله أنهم علاقه سامه
لكن كل ماسحبنا عليهم ينشبون ويرسلون امهم
بس تتشره على امي قدام الحريم
ان بناتك منقطعين عن بناتي وش فيهم عليهم
وامي تجبرنا وتضغط علينا اطلعو معهم وعادي
تقول لكن تعبببببببت اكره الحركات هذي
وتطيح الوجه تجلس ماعليش اختي
لها عياره كلنا لنا عيارات من أيام الطفوله
هذي قريبتي تجلس تقول عيارتها بالكوفي بصوت عالي!!!!! وتجلس تقول فاضيه تجيبين
خليها هي
انتي معطيتهم وجه !!!!!!!!!
انا مابي اطلع خواتي إنهم اعتماديات
فاقول يجيبون من قالك مايجيبون
تقولً ماعمري شفتهم
المصيبه أنهم كبار أعمارهم فوق اللي ٣٠
لكن عقول أطفال !!!!!!!
حتى الأطفال اكبر منهم
هم فيهم طبع الجلافه والوقاحه
كيف أوقفهم عند حدهم
وأمهم هذي اللي بس تتشره كيف اخلي
امي ماتسكت لها