اللي يعرفوا للجريش يساعدوني

هذا جريشي : شوفي حبيبتي افضل جريش الجريش العضوي مره رهيب وطريقته اغسلي الجريش وانقعيه بماء حار لمدة ساعه قبل الطبخ بماء حار وبعدين حطي البصل على النار وخليه الين يحمر مو يحترق وبعدين حطي فوقه الحم او الدجاج والملح والبهار اللي تحبيه ولما تسبكيه سوى يعني 5 دقايق حطي عليها علبه صغيره جبنه بيضاء والافضل نادك لانها تجي حامضه شوي وخليها الين تذوب وبعدين حطي مقدار 2كوب لبن ثقيل وكوب ماء طبعا كل هذا بالضغط وسكري عليها مده ربع ساعه الين تستوي اللحم او الدجاج نصف استواء وبعدين حطي الجريش وانت اقدري الماء خليه ارفع من مستوى الجريش وحطي رشه خفيفه ملح الليمون واضغطيه ثلث ساعه يجي وانتي مجهزه بصل محروق حطيه من فوقه مع السمنه وبالعافيه و***** الله اكون افدتك وعلى فكره الكل يحب انا اللي اصلحه وعوافي

اختي حبيبتي شوفي طريقتي في الجريش
تاخذين مقدار الجريش على حسب افراد العائله مثلا انا عائلتي 6 افراد اخذ كوب جريش وكوب رز مصري واغسله من الفجر الساعه 6 اقطع بصل واحده كبيره او 2 صغار وفصين ثوم واقطعها قطع صغيره واحط عليها اصبع زبده واصب ماء مغلي مقدار 6اكواب واذا غلى نحط عليه الجريش المغسول ونتركه على نار هادئه ونحط تحته الحديده ولما يشرب مويته نصب عليه كوب لبن ونتركه لمده 4ساعات على نار هادئه ثم نضع عليه علبه لبنه صغيره ويعصد ونعمل الكشنه نقلي بصل وزيت شوي وبعد ان يتحمر نضع بهارات وكمون وفلفل اسود وشوي صلصه ثم يغرف الجريش ويجمل بالكشنه وبالعافيه

السلام عليكم ورحمة الله وبركاته

بالنسبة لي طريقتي في الجريش أنقعه من الليل إذاكنت بسويه غداء

أغلي المويه وأضع الجريش وأخليها يطبخ ساعة ماعليه إالا قرفة غير مطحونة بعد ساعة ونصف صلحي

كشنة عبارة عن بصل أنا أحط 5بصلات و4 فصوص ثوم ليت تتحمر وضعي ماجي وملعقة كبيرة كمون وفلفل أسود حسب رغبتك

طبعاً إذا زاد الفلفل شوي يطلع أحلى وضعي اللحم أو الدجاج على الكشنة وحركيه لين تتسبك وضعيها على الجريش وخليها على النار

لمدة 3ساعات وكلما إحتاج مويه زيديه وقبل لايستوي بساعة ضعي حليب سعودي مقدار 3أكواب ونصف إصبع زبدة وبعد مايستوي ضعيه

في صحن التقديم وضعي عليه بصل مكشن بفلفل أسود وكمون وقرفة مطحونه راح يطلع روعة عمتي أم زوجي ماتحبه غير من يديني ..



ملاحظة .. هذي طريقتي إذا كنت مسوية 3 كاسات جريش

جزاكم الله خير وتسلموا

ماقصروا خبيرات الجريش