اللي يعرف طريقة الخبز المبثوث

اهلا و سهلا ببنت راس الخيمة ...ترا انا ماعرف شو هو الخبز المبثوث بس ياريت تعطينا وصف له يمكن نعرفه لكن له تسميه اخرى؟ و اذا ممكن اشتريه من محل خبريني علشان اجربه و اذا عرفت اردلك خبر ...على فكرة انا بعد من راس الخيمة علشان جي حبيت اساعدج

حاضرين للطيبين.. تقصدين قرص مبثوث صح..

شوفي أختي.. أول تسوين خبز عادي ورقيق مكون من طحين وملح وماي بس..

تقلينه عالنار لين مايصير يابس شوي.. بعدين بالمكينة تطحنينه.. بعد مايجهز تخلطين وياه سكر على حسب الرغبة وسمن وهال أظن.. وعليج بالعافية.. بس على فكرة تراني ماقد سويته لاكن هذي طريقة أختي..

مشكورة أختي غيوم على الرد

**********************************************
وأختي المسافرة جزاك الله خير على الطريقة بس تعرفين أختج بنت راس الخيمة تبغي المقادير بالضبط بس بعد مشكورة والله يوفقج والصراحة طرق الأكل اللي تقدمينها وايد حلوة وسهلة مع الشكر الجزيل.

الصراحة ماعندي مقادير دقيقة لهالشي.. وأختي بعد ماتسير الا عالنظر.. بس انتي اعجني طحين مع ملح شوية وماي لين تتماسك.. وكملي الباقي على حسب رغبتج.. يعني حطي سكر لين ماتحسين انه طعمها صار أوكي.. وبعدين سمن لين ماتتماسك شوي. بعدين شوية هال.. بس هذا اللي أعرفه.. اذا قدرت اليوم بجرب شوية وبشوف تضبط والا لا.. وبخبرج بالنتيجة..

السام عليكم

من كلام الاخت المسافره انا اصلحه دائما واحط بدل السكر تمر .......
يجي احلى بكثير........