بسم الله الرحمن الرحيم
ها الكثر ردود ماشاءالله ، والحين لازم ارد عليكم وحدة وحدة (أنا اللي جبته لنفسي)
1- زهوة :
عزيزتي أنا اتصلت في كذا محل للساعات الراقية بس قالو مب عارفين مين وكيلها .

2-fife :
صح في ماركة فالنتينو للساعات بس هي هاذي اسمها فرانكو فالنتينو

3- رُسل :
شكراً عزيزتي على الرابط هو نفس ماركة الساعة اللي عندي بالضبط بس ما في أي شي بخصوص الساعات.

4- قمر المساء :
شكراً حبيتي على الرد ، وأنا سويت بالنصيحة بس مافي نتيجة .

5- نسمة الوجدان :
هلا يا نسمة بوعبود معناته بوطقه (انشاءالله عرفتيها هاالمرة) ، وضحكتيني من خاطر على (اللي ما يطبخ ما ياكل)

6- الموسوسة :
شكراً على الرد ، وكلامك في محله

7- قلب الورد :
عاد إنتي ما صدقتي خبر ، أنا اللي بكسفك وبقول لك أبـــــــــيــــــــــــها (ها ها ها)

8- دانة 2002
شكراً عزيزتي على المرور

9-السلم ، وزمردة :
وضحو أكثر لو سمحتو

10- أخيرا رنــــــا :
شوفي حبيتي رنا كلامك صحيح في أغلبه ولكن إنتي هاجمتيني بقسوة وقبل ما تعرفين
اللي يدور براسي أنا طبعاً مقدرة الهدية اللي جاتني من هاذا الشخص لكن الموضوع
وما فيه إذا كانت الهدية مش غالية مومعناته إني برميها بالزبالة بالعكس تنفع ألبسها
للدوام أو بأثناء السفر لأن حرام الواحد بالسفر يشيل معاه ساعات غالية خصوصاً وإنها
ضاعت مني كثير .
أما إذا كانت من النوع الغالي فعلشان ألبسها لما أكون في سهرات وحفلات نسائية مع
زوجات كبار الشخصيات أظن كلامي واضح .
بس ياريت يا بنات اللي تبغي تنصح يكون اسلوبها هادي أكثر ، ومافي داعي للقهر ؟؟؟؟
وما قاعدين تشوفون الحين المنتدى صار أي موضوع ينحط فيه ينقلب لهواش وزعل
تعرفون ليش لأن العصبية والتسرع والفهم الخاطئ للطرف الأخر هو الغالب .
فالله يرضى عليكم يا بنات بلا من هذا الأسلوب ، ترى أنا مو زعلانه من كلامك يا رنا
لأننا في الأخير أخوات وأنا ما أحب أزعل من حد ولا حد يزعل مني .

وشكراً للجميع على الردود ، بس للحين ما حد منكم عرف من وكيل الساعة هاذي ولا قيمتها ؟؟؟

ام عيون فتانه

انا ايدددددددك

لنه انا

اهتمممممممممممممممم بالماركه مرررررررررررره :26:


يعني اذا كانت من معلم او معوض غير لو من الدهام

صح ولا لاااااااااااااااااااااا

وانا احب الساعه الغاليه لانها ما تضييييع

لانه الواحد يشتري جوده وشكل

اما الخرطكي خرطي والله


بس ام عيون فتانه ياليت عندك سكنر

اشوف شكلها واحكم

اموووت بالساعات:27:

أم عيون فتانة خلي عندج ثقة في نفسك..لأني ساعات أحس إنك من النوع اللي وايد تفكرين الناس شو بيقولون عنك وإذا بيطنزون ولا بتتفشلين..إذا الشي حلو إلبسيه حتى لو رخيص المهم إنتي مب هم شو بيقولون وحتى لو مب ماركة شو يعني؟؟ ساعات الوسط اللي الإنسان يعيش فيه يحسسه بالضغط وإنه لازم يكون توب في كل شي أنا فاهمتنج زين ومب قصدي أقول إنج بترمين الهدية لأن يمكن تلبسينها مثل ما قلتي في مناسبة بسيطة..بس شوفي باريس غاليري فيه وايد ساعات وماركتهم مب معروفه بس تكون غالية...