صبآحكم \ مسآكم أمطـآر آلريـآض ..
كنت آسولف آنا ووحده من آلبنآت عن آلجوآلآت وكذا آقول لهآ آنا فيني حآله غريبه
ما آحب آحد يلمس جوآلي ..ولآ يشوفه ولآ يفتشه لآ آمي ولآ آخوآتي ولآ آخوآني
موب عشآن شي وآلله .. لكن طبع فيني .. قآلت حطي رمز قفل وريحي رآسك ..
قلت لآ مآ آحب آلرمز ومدري إيش آصلآ هو مآفيه شي يستآهل آني آحط له رمز
بس طبع فيني الجوآل مآ آحب آحد يلمسه ويعتدي ع خصوصيآتي << آلله والخصوصيآت
ومره كنت جآلسه مع بنت خآلتي وجوآلهآ كآن بالشاحن وكآن فيه خآلي وشآف الجوال
بالشآحن وقال من ذا جوآله وجلس يشوف البرآمج وكذا قصده شريف طبعآ موب لقآفه
وجلست هي تنطبخ اقول لها فيه شي الجوال قالت لآ بس آكره آحد يفتش جوآلي ..
قلت حلو موب لحآلي آنا أعآني من هالنقطه
ووحده من البنآت تقول آن آمي تفتش جوآلي لين جيت اطلع من البيت رايحه للجآمعه
ولين رجعت لقيتها واقفه في الباب تنتظرني عشان تفتشه
الحمدلله والشكر بس .. معليش ماتوصل لهالدرجه
ومره كنت آدق على خالتي جوآلها ماردت دقيت على ثآبتهم ورد ولدهآ قلت له وين أمك
قال طآلعه قلت معها جوآلها قال لا عندي .. قلت ليه مارديت عليه يوم سمعته يرن قال
لأنه جوآلها وما احب اتدخل بخصوصياتها حتى ماشاء الله ماشاف مين اللي داق بس من
ورا الشاشه يعني
حسيت انه كبر في عيني وعجبتني حركته مره .. ع آني آكثر وحده آفتش جوآل امي بس
الحركه منه حلوه وحسيت اني انحرجت يوم قال جوالها ومايخصني وتسذا ..
عكس وحده الله يستر عليها اعرفها لين جلست معي مايبقى شي بالجوال ماتفتشه والرسايل
لا وآحيآنا تسأل مين هذي .. ومين هذي
آكره هالحركه جدآ .. جدآ .. جدآ
مثل وحده متزوجه تقول ما آنام إلا مفتشه جوآل بعلي .. ومآ يصد منا وإلا منآ إلا وآنا
ع طول سيده ع الجوال افتشه وافصفصه ع قولتها
قلت ليه .. قالت لين تزوجتي بتعرفين ليه .. قلت اذا تزوجت لازم افتش يعني
قالت بتجربين وتشوفين .. قلت احس اني لاصرت واثقه وماكانت عليه اي حركات شبهه
منيب جالسه افتش واراقبه ابدا في حال طبعا عدم الشبهه
قالت بتتزوجين وتشوفين .. قلت الله يعين
وبنت خالتي قبل لا تتزوج الله يذكرها بالخير .. مايرجع اخوها من مكان الا ومفتشه جواله
واذا لقت رساله غريبه او فيها نظر خذت الرقم منه
هو اصغر منها .. واكره شي عندها لين هو فتح جوالها سبحان الله يا بعض البنآت عليهم
تصرفآت .. والله اني اقول لها ولد ليه ترآقبينه وكآن رآسهآ يآبس وورآه ورآه لين تزوجت
وفكته من شرهآ آلله يهديهآ
وبحكم عرق آللقآفه فينآ يآلحريم آحيآنآ موب آلقصد تفتيش يعني مرآقبه آو شي من هالقبيل
لآ وكلآ وحآشآ لله
بس فينا صفه الفضول يهالحريم يعني احيانا حركه عفويه مني اذا لقيت جوال ابوي افتحه واشوف
الصور والرسايل اول شي وش اسوي حرمه سعوديه
ودآيم افكر فيها قلت الحين فتحت جوالها لييييه اتلقف وافتحه وانا لو احد فتح جوالي فيهم جبت
العيد فيه ليه احب اتلقف وما احب احد يتلقف علي بعدين اعاهد نفسي ماعاد افتح اي جوال لأي
كائن من كان
لكن صفه وملآزمتنآ يالحريم وش نسوي .. ولا يهونون بعض شبابنا الملاقيف
دايم اسأل نفسي متى آتخلص من هالعقده وارتاح ويصير طبيعي اني اشوف احد ياخذ
جوالي ونفسي راضيه عليه واتقبل الموضوع بكل روح رياضيه
بس ماظنيت يجي هاليوم للأسف لأنهآ عقده ملآزمتني للأبد
الله يعين
هذا هو موضوعي بين يديكم وآلمآيك لكم ..
والموضوع وليد هذه اللحظه << تذكرت موضوع مضطهد
لكل من مر هنآ
تعليقآت .. آرآء .. سوآلف .. موآقف .. عقد ملآزمتكم مثلي
منقووووووول
ياويله مو عن شي بس ماحب