شاحن ايفون :

ولازلت عند كلامي اغلب الردود هجوميه،الموضوع جدي يعني اذا بنتك ناقشتك بتهجمين عليها هذا اذا ناقشتك اصلا اللي اقوله مافيه ارضيه حوار مشتركه تنقص الفجوه بين الجيل الحالي وبينكم باعتباركم أمهات، بالعكس تزيد الفجوه والجيل الحالي بخطر حقيقي شي ماتقدرون تنكرونه، ادخلوا تويتر واعرفوا انا ايش اتكلم عنه بليزززز عشان تعرفون تفكير اولادكم بعض الجيل الحالي يطالبون بالاستقلال و يدعمون المثليه متخيلين تجاوزوا الدين اصلا ماعادو يتناقشون فيه اصلاا عشان كذا انا كتبت الموضوع انتم تدفنون روسكم بالرمال وتتجاهلون واقع المراهقات والمراهقين وايش تشوف وايش تقرا،كثير منهم مشتركين بنتفليكس ونتفليكس منصه لنشر وتقبل المثليه كل مسلسل وكل فيلم لازم تلقون فيه حاجه عنهم

ولازلت عند كلامي اغلب الردود هجوميه،الموضوع جدي يعني اذا بنتك ناقشتك بتهجمين عليها هذا اذا ناقشتك...

عواطف تركي . :

وش فيك انتي تنبشين امور كبيره عليهم وغير مستعدين لها ولا قادرين على مواجهتها والرد عليها صعقتيهم وهزيتي كيانهم لانهم ببساطه ماتعودوا يحكون عقولهم ويستخدمونها متعودين على المعلبات والتلقين والنسخ واللصق وكلامك هذا يحطهم في ورطه ويوقفون عاجزين امامه اسهل شي راح يعملونه كرد يقفل عليك باب النقاش ويحسسهم ان الدنيا بخير انه يتم تكفيرك واتهامك بالالحاد بكل بساطه ! الله المستعان

وش فيك انتي تنبشين امور كبيره عليهم وغير مستعدين لها ولا قادرين على مواجهتها والرد عليها...

جينان.. :

المشكلة الاساسية انه تلقين اساس التربية تلقين هالامور بمفهوم العادات والمجتمع اكثر من كونه بمفهوم الدين وعند الاعتراض فورا ينسبوه للدين , بمعنى من زمان كان الدين هو السيف الحاد اللي لما احد يقول " انذكر بالقران " ينتهي مجال الجدال , وهذا الصح , لكن تم استغلاله للاسف بمواضع كثير بالغلط زي مثلا كانوا يقولون طاعة الزوجة لزوجها واجبة ويسكتوا , ويرموا اي هدر لحقوق المراة تحت جملة " طاعته واجبة " , رغم انه الدين نفسه قال الطاعة ليست مطلقة , الطاعة ليست بما يخالف الدين او بما يهدر حقها او يتعدى حقوقها ! وهالشيء من ناحية مايمشي على الجيل الحالي الي الفتن حوله اكثر بكثير من الاجيال السابقة ! والي الوصول له اسهل بكثيييييييييير من السابق ! زمان البيوت اغلبها ماكان فيها الا كمبيوتر واحد , دخول النت كان محدود , فرصة انه احد خارجي يوصل للابن او الابنة كان اقل بكثير , وحتى لو حاول احد يوصل عن طريق تلفون او صحبة او غيره كان هالطرق سهل السيطرة عليها الان ايش صاير ؟ الاطفال يكبروا بايديهم جوالات , سهل جدا يوصلوا لاحد بدون ما احد يعرف شيء , سهل جدا احد يعطيهم معلومات ماتبينهم يعرفونها او مغلوطة وانتي مو دارية ! مهما حاولتي تراقبي صعب جدا خاصة لو بسن المراهقة والشباب ! شيء شبه مستحيل اصلا ! لذلك اشوف غلط اتباع نفس اسلوب التربية القديمة والافكار القديمة لانه مارح ينفع ! مارح يمشي ! النتيجة رح تكون كارثية ! الاجيال هذه اهم لغتها الحوار , اجيال فضولية بيدها توصل لمعلومات كثيرة جداً بضغطة زر , اذا ماناقشتيهم ليه وكيف وايش الحكمة وايش الدليل رح يدخل بقلبهم الشك خاصة لو وصلوا لحسابات الالحاد والنسوية وهالافكار , واتمنى من كل قلبي الي ماعندها علم بهالامور او مو متابعة لا تقول وش دخل هالامر بالدين وبالنقص ووو ! هذه كلها مداخل يدخلوا فيها لتاجيج مشاعر هالمراهقين والشباب عشان يقلبوهم على دينهم ! اذا انتي بنيتي بيت , وجا احد يبي يهدم هالبيت , لو جاب رافعة تهدم البيت مباشرة رح تعرفي ويوصلك خبر ورح اقلها تشوفي الضرر مباشر وتشوفي كيف رح تمنعيه صح ؟ الي صاير هنا انه الهدم مو مباشر , مو قدام عيونك , الهدم هنا يكون بالنخر حبة حبة باساسات البيت , ماتحسي فيه الا لما يوصل مرحلة ينهد على راسك باللي فيه ! لذلك تجاهل هالامور او لما ماتشوفيها بشكل مباشر مايعني انها غير موجودة ! زماننا هذا زمن يخوف , وفيه اتجاه فظيع وعداء رهيب للدين ومحاولة زعزعة مبادئ الدين نفسه ! وصلت بهالزمن للتشكيك بالاحاديث وصحف بخاري ومسلم وتفاسير الايات ووو ! لذلك المفروض مثل ما هالناس تحاول تدخل من مواضع الضعف , المفروض احنا نقوي مواضع القوة , نقوي وننشر تعاليم ديننا السمحة , ننشر الاحاديث المرغبة قبل المرهبة , زمان للاسف كان متبع اسلوب الترهيب اكثر من الترغيب , الان اسلوب الترغيب شيء اساسي ! بدال ما اقول الدين يقول انك ناقصة واسكت او انشر تفاسير مغلوطة او انشر قناعاتي الشخصية على اساس انه هذا الدين قاله ! ويجي احد غيري يقول لبنتي شايفة الدين يقول انك ناقصة الدين يقول انتي متخلفة وانتي وانتي وانتي ويحشي بدماغها امور ماتمت للدين بصلة لكن مغلفة بقشور الدين ! لا هنا الاولى انا اوضح وابين المعنى والمقصد وبنفس الوقت اذكر المواضع الي الدين رفع فيها قدر المرأة وعلاها وبكذا اكون سكرت الباب الي ممكن يزعزع هالمبدأ ! لكن للاسف لما بنتي تلقى كثيرين حولها يقولوا ايه ناقصة ايه احنا ناقصين ايه وايه وايه , وانا ااحاول ابين لها انه هذا غلط , فبالعقل الشخص يتااثر حتى لو مو بارادته بقرار الاغلبية ! وهنا يزيد النفور المبني على شيء مغلوط وهذا شيء رح نتحمل ذنبه ترا ! لانه لأ مو هذا ديننا ! زمان بهالمواضيع ماكان احد يتجرأ يجادل ! الان الزمن اختلف ! فلازم اسلوب التربية الدينية الي كانت قائمة اغلبها على الترهيب والتلقين وللاسف بنظري كان حجز ضمن فقاعة معينة لازم يتغير !

المشكلة الاساسية انه تلقين اساس التربية تلقين هالامور بمفهوم العادات والمجتمع اكثر من كونه بمفهوم...