في بنات خيالهم خصب وواسع يكتبون مشكله بالكذب ويصدقونها بس الكذب يبان بالموضوع لابد وتنصاد

ههههههههه الله يهديهم ولايشغلهم الابطاعته

100٪فيه ناس تتخيل وخيالهم خصب بعد ،،،،


اذا كان الواقع وهو واقع يختلقون احداث كيف اجل النت ومحد عارفهم،،


وهم اما مرضى نفسيين او ناس تعاني من الفراغ،،،

احلى شي ان الواحد يحسن الظن
وان صدقت والا كذبت كله عليها
ومحد بيحاسب غيرها
والفال تفاولته لنفسها

والله فيه مواضيع بعضها تقرف
زي اللي تقول اخت زوجها جايه دخلت الحمام ومدري وش سوت وطلعت ريحه بالبيت كله
ولا اللي تقول زوجي يقولي بفتخر فيك يلا تعالي امشي جنبي عشان الكل يقول عنك سوريه <<<< ملكه جمال لندن على غفله
ولا اللي تقول نمت وطاحت ملابسي الداخليه
ولا اللي تقول ريموت التلفزيون نتهاوش عليه انا وزوجي
ولا اللي جايتن تقول اخت زوجي بتجي عندي وانا ماحب احد يجي عندي
ولا اللي تقول زوجي ملك جمال والبنات طردي وراه

يعني شئ خيالي بصراحه
قصص خياليه وبعضها قلة سنع
كل ماصار شئ بالبيت جات حطت لنا مسلسل من 100 حلقه وكل شويه تنزل حلقه وش صار وش ماصار

بعض المواضيع صح مشاكل وهموم وربي تقطع القلب
وبعضها تأليف على روسنا

الله المستعان على مايصفون بعض النساء من قصص احسها من نسج الخيال وربي
ولابد ان نصيدها في موضع ن المواضع
لان الكلام يتناقض بعض الاحيان

والله يفرج عن كل مهمومه في هالمنتدى يارب
ويفرج عني كربتي وتنحل عاجلا غير اجل يارب العالمين

يعني وش تتوقعين من عالم الحريم

فيه حريم تعرفينها عز المعرفه

ومع ذلك تقعد تفقش عليك وتالف وانتي عارفه انها نصابه

بس تسايرينها وتسوين نفسك مصدقه

فمابالك بمنتدى لااحد يشوف الثاني ولا احد عارف احد

يعني اكيد الكذب وارد

وكل ذنبه على جنبه