السلام عليكم ورحمة الله وبركاته
قبل لا ابدأ موضوعي يا كثر ما حست في جوجل نخلت امه نخل وما لقيت الفايده < عشان لا تقولو ابحثي :27:
< أم الدخله الغلط
وكمان قبل لا ابدأ حابه اقول لكم اني سجلت في كذا منتدى ولاكن ابدا ما احد اعطاني بال وفادني في هرجتي هع< يعني أعطوها فيس ولا تفشلونها
وكمان قبل لا ابدأ
< بس زودتيها >> مجرد دعابه قبل لا ابدأ برضو هوـع
يلا عاد ببدأ
اممممم والله ماني عارفه ايش اقول
<< تكفين يالمستحيه 
المهم يا حلوين ياليت تفيدوني انا عروسه وفيني سلوليت بسيط مع اني مو دبا لكن كنت دبا
يعني فرق 5 كيلو وهبيت في النت زي البدوي يوم يهب له في تمر .. ونحفت على النت هوـع << خلينا في موضوعنا المهم يا حلوات مع انو بسيط احسه مضايقني خصوصا اني من النوع اللي ما احب زوجي يشوف فيني عيب :44:
المهم ما ابا اخرج عن الموضوع
اتصلت على مرآكز عندنا في مكه وجده
بس استصعبت جده بحكم المشااوير << آخ بس لو تحت يدي سواق :mad:
المهم استقريت على مركز في مكه << يآ كثر ما تخرج عن صلب الموضوع
فقالت لي عن جهاز اسمو مآلتي ول >> مدحت لي مرا مرا مرا صاحبة المحل الجهاز اللي هو من 5 اجهزه على ما اضن وقالت لي مدة اسبوعين رااح تتخلصي نهائي من السلوليت
وانا متردده اني ارووح لهم
طبعا راااح استخير الله قبل لا ارووح لهم بس حاابه اللي تعرف شيء عن الجهااز تبلغني وبكل امانه
لأن الموضوع الوحيد في النت عنه حسيت انو دعايه للمركز لأنها مدحت حتى العاملات ومدحت اسعار المركز وهوه غالي نسبيا < عاد يدوب المهر يكفي > عاد شكيت انو دعايه منها .. ويلا على يدكم فيدوني
يسعدكم ربي صبآيآ >> لي عوده حبيباتي <
