الماجستير جزاكم الله خير

لبـــــــــى عيوونك .. ودي افيدك بس برضوو انا زيك محتآره المكآن
بس افكر.. القسممممٌ: اخذ تجآره الكتروونيـه ..

ادري مآقدرت اخدمك .. بس للك مني دعوه .. الله يووفقك ياارب وينووللك الي تبينه ..

اختي ممكن تتطلعي على موقع مبتعث وراح تلاقي اجوبة لكل استفساراتك..

هلا بك اختي بصراحه انا حبيت افيدك باللي اقدر عليه لاني بحاجه ماسه للي يفيدني بموضوع طرحته بهدا القسم ولا فيه احد افادني فحاسه فيك
انا انصحك انك تتوكلي على الله وتقدمي على البعثات صحيح راح تتعبي بالبدايه بس بالاخير راح تجني ثمار تعبك بالنسبه للغه ياعزيزتي ما راح تكون عائق بعون الله وقوته وخصوصا ادا درستي بمعاهد اللغه اللي ما تتطلب اجتياز اختبار الايلتس او التوفل لان هناك معاهد تتدرس الطالب من كل المواضيع وبكل المستويات وبدون حرص على المواد اللي تقدم للطالب اقصد المحتوى ليش لانهم مشترطين انه ما راح يدخل الجامعه الا باجتياز الايلتس او التوفل وهدة النوع انا درست فيه المرحله الاولى من ابتعاثي وتعبت مره لحد ما عرفت انه هناك معاهد ما تتطلب اجتياز اختبار الايلتس وتدرس الطالب على مستويات من البمستوى الاسهل الي الاصعب وهي اربع مستويات ويوضع الطالب في المستوى الدي يتوافق مع امكانياته في اللغه حيث يعمل له اختبار تحديد مستوى اول مايجي طبعا انا نقلت الى معهد زي كدا والحمد لله مشيت باللغه وارتحت نفسيا علما بانه ماعندي باللغه قبل ما ابتعث الا اللي درسته بمناهجنا الدراسيه يعني اشياء بسيطه جدا وادا حابه تختاري استراليا فهي مررررررررره حلوه بطبيعتها وناسها طيبه وتعاملهم محترم مع المحجبات والمسلمين انا ادرس باستراليا وخلصت اللغه والحين بادئه اول سمستر لي بالجامعه بس مررررررررررره خائفه منه لاني ما عرفت احد درس قبلي بالكيمياء ماجستير علشان استفيد منه فاحس اني مثل الاطرش بالزفه
ايووه نسيت اقولك احنا بدانا دراست اللغه بمدينة تزمانيا وكان المعهد يطلب اجتياز الايلتس وتدريسهم زي الزفت وبعدين نقلنا الى مدينة ارميدال ومعهدهم صراحه حلو ما يطلب الايلتس ودراسه بمستويات وهده المدينه صغيره تنفع لجو الدراسه وبنفس الوقت قريبه من المدن السياحيه باستراليا مثل سيدني وبرزبن وقولد كوست يعني تسافري لها بالسياره تاخدي حوالي سبع ساعات ادا حبيتي بالاجازات تتمشي وتغيري جو
بالنسبه الى ان البكالوريس حقك دراسات اسلاميه فعادي خدي اي تخصص ماستر يعجبك او تحسيه قريب لميولك بس انصحك تدوري على تخصص يكون مدة دراسته سنه لان فيه تخصصات ماستر بس سنه علشان تفتكي وتخلصي بسرعه
هدا اللي عندي حبيبتي وحبيت افيدك فيه وطلبي منك تدعي لي انه الله ييسر لي دراست الماستر بالكيمياء ويحقق مناي لاني من جد ضائعه
ودعوة المسلم لاخيه بظهر الغيب مستجابه وتمنياتي لك بالتوفيق

ادخلي موقع وزارة التعليم العالي اقري عن البرنامج وشروط القبول فيه ..علما بانها ممكن تتغير السنة القادمة

وشوفي التخصصات المطروحة واختاري اللي تميلين له ..
بس الادبي غالبا يناسبه التخصصات الادارية او الحاسب اكثر شي

جزاك الله خير يالغالية والله يوفقنا كلنا....

..... اسعدني مرورك ودعائك بارك الله فيك .....