عزيزتي saudi girl .. هل تعرفين جامعات قبول الدكتوراه فيها سهل بأمريكا؟ الجي آر اي والجي مات والتوفل مو مشكله .. بس قصدي ما يطلبون خبره عمليه وإلا ابحاث منشوره في مؤتمرات علميه .. يا ليت تفيديني اذا عندك فكره ..
ومشكوره مقدماً :)

نورس إن شاء الله البنات يفيدوكي ياعسل في موضوع دراسة البكالوريوس..

سعودية شكراً عزيزتي بس أنا في أمريكا مرافقة مع زوجي ماني في كندا..

ضي أشوفك خرجتي عن موضوعنا وحطيتي دكتوراه !!!!!!!!
أمزح ياقمر إن شاء الله تلقي الرد على استفسارك..

بنات أتمنى تفاعل وحماس في الموضوع الله يعطيكم العافية

موضووع جدا رائع
الله يعافيك

شوفي حبيبتي.... انا متلك معايا بكلريوس ادب انجليزي.... وزوجي بكالريوس لغه انجليزيه.... وهو المبتعث وانا مرافقه.....
اول ماوصلنا كنا مقررين اني التحق بالبعثه و اكمل الماستر معاه بنفس التخصص الي هو (TESOL) وعلى فكره هالتخصص مررغوب بالسعوديه لان معظم الي يكملو ماستر بالانجليزي متل ماتفضلتي وقلتي انهم يختارو (لغويات ... ترجمه ...ادب) ومافي غيرها!!
عموما غيرت وجهة نظري لمن عرفت ان الدراسه في الاختلاط حرام!!!!!!! وزوجي خلاص بدأت دراسته ولانه مبتعث عن طريق الجامعه فماقدرنا نلغي البعثه... والحمد لله على كل حال!!!!
الي ابغا اوصل له ان زوجي اختار هالتخصص لانه ولله الحمد ضامن الوظيفه بالجامعه.... فمايحتاج يغير التخصص عشان يحصل وظيفه لمن نرجع.. و سبب تاني انه ماشاء الله تبارك الله يتقن اللغه الانجليزيه و اللهجه الامريكيه كتييييييييييير و مستواه في اللغه الانجليزيه عالي جدا ماشاء الله تبارك الله... فهالشي مساعده انه يكمل الماستر في ال TESOL لان معظم الي يتخصصوه دواافير لغه ومعظمهم امريكان لانه (تعليم الانجليزيه لغير الناطق بالانجليزيه) والحمد لله رب العالمين.... فانتي و اتجاهاتك واهتماماتك ؟؟؟
صحيح ان الوظيفه مهمممه جدا لكنها ماهي ضروريه لنا ك(نساء) متزوجات... و ان الوحده تدرس شي مو عاجبها بس عشان الوظيفه فهالشي كمان مو حلو... لانك ماراح تحسي بمتعة الدراسه والعلم... و ان السعي للحصول على شهاده معتبره في مجال تحبيه شي كتيييييييييييييييير حلو و يدل على (الثقه والاستقلاليه) ............................... (هذا رأي الشخصي و سلامتك):27:

السلام عليكم

انا حاليا في سنه رابعه في البكالوريوس وبصراحه اشوف انه موضوع تغيير التخصص بعد التخرج يعتبر مشوااااااااااار وحرام في حقي وحق الوقت اللي وضعته في الدراسه. البكالوريوس معروف انه التزام اكثر بكثير من الماسترز واجبات وامتحانات ولابات وعملي ووووو لكن الماسترز سنه سنتين بالكثير وانتي مخلصه بعد ماتكتبي بحث او تسوي امتحانين طول السنه..
وبصراحه اسمه في النهاية (ماجيستير) يعني لو كان عندك عشرة بكالوريوس ماراح يكون نفس الشي لما يكون عندك ماجيستير.

وانا اشوف هالقرار يعتمد على شي واحد فقط لاغير: هل انتي مقتنعه بقسمك من الاصل؟ هل انتي برايك انه ممكن تبدعي فيه وتستمتعي بالهم اللي يجي منه؟ اذا جوابك ايه اقول انك تتوكلي على الله وتكملي ماجيستير في نفس قسمك وابدعي فيه احسن ماتبدأي قسم جديد وتمشي حالك تمشاية وبالغصب ومن غير متعه. انا دخلت قسمي والكل كان معارضني عليه وانه مافي وظايف للمسلمين فيه كندا وانه بالسعوديه ماراح القى وظيفه في مجالي لاني بنت ووووو لكن عارضت كل الناس وحتى اهلي واخترته لأني انا من قلب استمتع فيه. ومهما كان عندي دراسه وامتحانات وهم لكن مايكون من الهم اللي يضيق صدري مثل غيري ولله الحمد. وسبحان الله حصلت فرص وظيفيه حتى وانا لسه ادرس ولله الحمد لأني صنعت الفرص بنفسي ما انتظرت احد يصنعها لي.

وان كان عالوظيفه انا اقول انه الارزاق مقسومه والانسان هو اللي يصنع الفرص لنفسه. اعرف واحده صديقتي تخرجت بزنس مانجمنت من جامعة تورنتو هنا وداخله القسم غصب عنها والان رجعت السعوديه ومع انها لقت وظيفه وبراتب ممتاز بس قالت لي والله اني كرهانه عمري لأني من الاصل ماحب هالقسم ومع انها حاولت تتأقلم اكثر من سبعه شهور لكن مافي فايده والحين قدمت استقالتها نهائي وجلست بالبيت! تخيلي بعد كل هالتعب!

الللي حابه اقوله انه اهم حاجه في الدراسه انك تحبي قسمك وتسمتعي فيه لأنه مافي ابشع من انك تدرسي شغله ماتحبيها وماتفكري في امور الوظيفه لأنه الارزاق مقسومه عند الله. وما انصح تكملي بكالوريوس لأن مسؤولياته كثيييييره انا ماني مصدقه متى افتك على خير ويبقى للماجيستير وزنه في المجتمع افضل بكثير


وبالتوفيق يارب :)