الماسك السحري اللي يخلي البشرة حرير وبيضاء وصافية لايفوتكم

مرحبا بنات....

آنا عندي لكم اليوم ماسك ينفع لجميع أنواع البشرة هو يبيض وينظف البشرة بشكل ماتتخيلونه لدرجة ان وانتوا حاطينه على بشرتكم بتشوفون لونه يتغير لانه قاعد يمتص كل الاوساخ بالبشرة وبعد ماتغسلون بتحسون بنضارة ولون الوجه الباهت بيصير حيوي ومع الوقت بيبيض بشرتكم....


ماراح أطول عليكم بقول لكم الطريقة وترى هو يتكون من حاجتين بس!!!
تخيلوا!!!!



جيبوا حبة افوكادو طرية وقشروها مع ازالة النواة وقطعوها شوي وحطوها بالخلاط مع :اس صغير حليب سلئل واخلطوهم و حطوهم عالبشرة لمدة نصف ساعة و بعدها غسلوا وشوفوا الفرق من اول مرة...
وللي ماتعرف الافوكادو هو نوع فاكهة لونه اخضر وشكله نفس المانجا وداخلة نواة نفس المنجا ولما تشترونه احرصوا انها تكون ناضجه يعني طرية شوي مو يابسة

ترى هالماسك يقرص البشرة شوي بس لاتخافون مافيه اي ضرر جيبولكم مهفة او ورقة وهفوا شوية هوا على وجوهكم عشان مايحركم بس صدقوني النتيجة تستاهل...

آنا عن نفسي تعودت عالقرصة واستعمل هالمسك يوميا بس صارلي فترة صايرة كسلانة بس برجع استعمله لانه حيييييل يغير شكل البشرة وملمسها...
وحتى لو مايبيضكم راح تحسون ان البشرة مرتاحة ومنتعشة وناعمة
آنا كنت كل جمعه اعرض بشرتي لجهاز البخار 10 دقايق وبعدها احط هالماسك بس باقي الايام عادي من غير بخار وآنا على فكرة بشرتي دهنية واختي بشرتها عادية وامي جافة وكلنا نستخدم هالماسك وماشي معانا تمام على الرغم من الاختلاف في نوع البشرات...

أتمنى من الكل يجربونه وصدقوني ماراح تندمون ابدا بس قلتلكم انه يقرص شوي تحملوا لان النتايج تستاهل