المالديف ولا جزيرة مورشيوس

اهلا بنت النور انا افيدج باذن الله ..
انا اعرف ناس من اهلنا راحوا للثنتين .. المالديف و موريشوس ... اقولج كلامهم ...
المالديف عباره عن مجموعة جزر صغيره ... و كل جزريه عباره عن منتجع و فندق بروحها .. يعني تكون الجزيره اللي انتي فيها عباره عن فندقكم و بس .. و التنقل بين الجزر بقوارب طبعا .. فيها البحر لا صار ولا استوى شي يهبل و ممتاز و صاااافي للسباحه و افضل الاوقات للسفر لها من شهر 10 - 12 .
بالنسبه لموريشوس .. هم حلوه و تينن بعد بس اهي عباره عن جزيره واحده و التنقل بالسياره من مكان لي مكان يعني افضل حال من الماليف .. بس بحرها مو شي مو مثل الماليف و بالصفاء و الحلات.
بالنسبه للاسواق فيهم هم جزر فلا اتوقعيت بتلاقين اسواق لندن و الا باريس او حتى اسواقنا فيها .. اسواقهم فيها لبسهم و شغلاتهم التقليديه و التحف و الاواني المنزليه و التراث و من هالطقه
الثنتين فيهم السياحه حلوه و فيهم اماكن سياحيه بس اغلب وناستهم بالبحر من حيث سباحه و طلعات غوص و صيد سمك و رياضات مائيه يعني اذا انتي ما اتحبين هالاشياء ما تنفعج لا المالديف و الا موريشوس ..
تاكدي من الوقت اللي بتروحين فيه لا سبحان الله تكون حزة امطار و الا عواصف و الا تستانسون .. اسبوع كافي لاي من هالجزيرتين .. و جوهم غالبا في الموسم الزين يكون جو جزر يعني ربيعي صيفي شوي حر على شوي رطوبه .. هذا كل اللي اقدر اوافيج فيه و اتمنى اني وضحت لج الصوره و سفره موفقه :):)

انا ممكن اساعدك في بعض الشغلات...اولا المالديف اقرب يعني 4 ساعات بس موريشوس بعيدة((بصراحة انا كان نفسي اروح لها بس الله ماكتب وكنت ابي نفس الفندق اللي ذكرتيه)) ومثل ماقالت لك الاخت ان المالديف عبارة عن جزر اما موريشوس جزيرة وحدة..واعتقد ان في موريشوس صعب انك تسبحين لكن في المالديف بسهولة هالشي خصوصا ان الجزيرة هي منتجع واحد يعني الناس مو وايد..واهم شي تختارين الفندق الحلو في اي دولة من هالدول يعني اللي توفر لك مميزات ونشاطات كثيرة..مثل الغواصة والطيارة والغوص وزيارات لجزر ثانية والصيد..اللي ذكرتها لك من قبل في موضوع ثاني..وعلى فكرة كفايه انك قاعدة في الجو الحلو وبناتك راح يستانسون على البحر وايييد..انا لما كنت اروح ويا زوجي الغوص انا كنت اقعد في الطراد لكن مستمتعة لان لون البحر مو لون واحد بتلقينه الوان مختلفة..والجو طول السنة مايتغير..اما موريشس اللي اعرفه ان فيها حدايق حلوة وطبيعه وجبال ممكن تروحونها وانا شفتها على النت..لو حبيتي بطرش لك على الخاص اللنك..وهي ارخص من المالديف..لان المالديف غالية..اتمنى اكون ماشوشتك اكثر مع اني احس كذا!!!:27:

انا من رايي الماديف قولي ليه اولا بلد اسلامي تقولين واذا... اقولك لانه سبحان الله وجيههم مريحه اسمائهم اسلاميه طبعا اللي يشتغلون في الفنادق ...بتشوفين مناظر للجزر عجيبه غريبه ...الوان الماء تتدرج بطريقه ماتتكرر في العالم يعتمد كثير سفرك على الجزيره لانه اختي راحت وملت كثير فيما انا وزوجي وعيالي انبسطنا ...اذا بناتك اكبر من خمس سنوات بقولك على جزيره خياليه تنفع للعوائل ..لكن مثل ماقلت اختي ام علاوي تراها غاليه ويكفيك منها تقعدين في شرفة الغرفه وتطالعين منظر البحروالوانه...

مشكورين يا بنات و الله ما قصرتوا .........ابشركم ما رحت لا هاذي و لا ذيك هاهاهاهاه رحت لصلاله..بس كانت الرحله رهيييييييييبه........ اما المالديف و موريشيوس يبيلهن ميزانيه اكثر...يا الله نعوضها بعدين ان شاء الله

هلا اختي الحمدلله على السلااااااااااااااامه
انا زيك محتارين وود اعرف اكثر عن جزر المالديف
واسعارهم
والفنادق الزينه
وكل شي عنها
اذا وحده من الاخوات تقدر يليت تساعدني ترسلها لي على الاميل