مجاديف الأمل 2009 @mgadyf_alaml_2009

عضوة نشيطة

المبالغة في الخوف من العين

السلام عليكم ورحمة الله وبركاته
أسعد الله صباحكم بكل خير
خواتي حبيت أكلمكم اليوم في موضوع واسمحولي راح ادخل في الموضوع على طول بدون مقدمات طويلة وكلمات منمقة لأن الموضوع اللي قاعدة أكلمكم فيه طالع من قلبي
ما تلاحظون ان فيه ظاهرة منتشرة في أوساطنا وبقووووووووووة وهي ظاهرة "الخوف من العين"
أنا ما أنكر وجود العين ، فـ" العين حق" كما قال المصطفى صلى الله عليه وسلم، لكن اللي قاعد يصير الحين في مجتمعاتنا يصح تسميته "بالفوبيا" فالحامل تخبي حملها والعروس تخبي زواجها بحجة الخوف من الحسد وهلم جرا.. يعني أمور كنا في السابق نتباشر فيها واليوم صرنا نكتمها ونبالغ في سترها كأنها أسرار
أنا ما أنكر أن الناس اليوم ضعف إيمانها وصارت تحسد على الطالعة والنازلة، لكني ضد أنه يتحول الخوف هذا الى وسواس ويجر صاحبته الى الكذب ناهيكم عما تجره هالظاهرة من قطيعة رحم وتوغير قلوب بعدين المسألة هاذي فيها خطر على العقيدة وتؤدي الى وسواس وهي مؤشر على ضعف الايمان والتوكل على الله.
طيب... ما الحل؟
الحل أسوقه لكم من الكتاب والسنة وأسأل الله العون والتوفيق للصواب
1- لا ننكر أن العين حق ولو كان شيء سابق القدر لسبقته العين"
2- النعمة الي تخافين تنحسدين عليها وتقدرين تسترينها استريها لكن من دون أن يفضي بك الى الأثم كا لكذب او الخوف الشديد فالخوف الشديد من المخلوق ضرب من ضروب الشرك إذ ينبغى ان يكون الخوف من الله وحده والنعمة اللي ما تستطيعين سترها ولابد أن تظهر أستعيني بحفظها بالتوكل على الله والتحصين بالأذكار والاوراد الشرعية وبقدر قوة ايمانك وتوكلك على الله يكون حفظه لك ،/ قال تعالى: " انه ليس له سلطان على اللذين ءأمنوا وعلى ربهم يتوكلون، انما سلطانه على اللذين يتولونه واللذين هم به مشركون"، نبغى ايمانا يكون مثل إيمان عمر بن الخطاب ، قال صلى الله عليه وسلم: " إيهٍ يابـن الخطاب ، والـذي نفسي بيده ما لقيك الشيطان سالكا فجّا إلا سلك فجا غير فجك".وبالمقابل الشيطان يتسلط على النفس الضعيفة فالواقع يشهد بأن اللي يبالغون في الخوف من العين هم اكثر من يصاب بالعين والشيطان يتسلط على اللي يخاف منه ، واللي بيخاف من العفريت يطلع له.
3- قد تكون إصابة الانسان بالعين ابتلاء من الله سبحانه وتعالى ليمحص من سيئاته ويرفع درجته كغيرها من أنواع المصائب والابتلاءات التي يبتلي بها عبادة، وفي الطرف الآخر قد نصاب بالعين بسبب الذنوب واقتراف المعاصي فاللي تروح لزواج مثلاً ولبسها عاري، أو اللي يبالغون في حفلات الاعراس والتخرج وووو... لا يلومون الناس إذا صكوهم بعين ، وبعدين ثبت بالتجربة ان المعاصي تضعف تحصين الله للعبد فالمعاصي والغفله وشدة الغضب والخوف الشديد يضعف التحصين فلقد ذكر احد الرقاة ان العين تنفذ الى الجسد في هذه الحالات، يعني ببساطة احيانا تكون العين في حالة انتظار لأنك محصنة لكن اذا ضعف التحصين بسبب الوقوع في معصية او الخوف الشديد أوا لخوف الشديد تنفذ العين الى الجسد بأمر من الله وهذا مجرب وواقع.

والمحافظه على الصلوات الخمس وكثرة الأستغفار وأذكار الصباح والمساء والنوم
هي الحفظ والحصن الحصين.
ختاماً، أردت فيما أوردت أن أذكر نفسي وأخواتي ببعض المسائل المتعلقة بالعين فما كان فيها من صواب فمن الله وماكان فيها من زلل فمن نفسي والشيطان
حفظني الله وإياكن من كل شر ومكروه وصلى الله وسلم على الحبيب المصطفى وعلى آله وصحبه وسلم.

22K

يلزم عليك تسجيل الدخول أولًا لكتابة تعليق.

تسجيل دخول

كهلة عرعر • 13 سنة

الله يجزاك خير موضوع رائع والله انك صادقة سار كل شى بالخش والدس حتى المرض سارو يخبونة عن الناس 0 عجبى

مزون 2009 • 13 سنة

يعطيك العافيه

لوليتالامبيكا • 13 سنة

اي وربي جيتي على الجرح ااااه
طيب وش رايك بالى كل فتره والثانيه طاقين باب امك المريضه اذا صارو عندها بناتها وجايبين قارورة مويه ويقولون اقرو فيها
مع اننا ولله الحمد احسن منهم وربي يشهد الحمدلله مال وجمال وحسب وكلنا متزوجات وهم العكس اللهم لاشماته والمشكله اقرب الناس لك
والله موضوعك مرررررررره مهم
وبعد احس اللي يوسوس في العين ويخاف يصير مريض ونفسيته زفت
والناس نسو التوكل الحق على الله لاكن مانقول الا الله يهديهم

مجاديف الأمل 2009 • 13 سنة

شاكرة مروركم العطر

ما فيها شي حبيبتي اقرولهم ، الرسول اللهم صلي وسلم عليه يقول :" واذا استغسلتم فاغسلوا"
اقرولهم عشان يرتاحون ويطمئنون والله يعطيكم على نيتكم

صاحبة السمو ميمي • 13 سنة

لاحول ولا قوة الا بالله

من قلة الايمان بالقضاء والقدر يعملون كذا بس اكثر شي الخوف والتعقد عندنا يالحريم