بنت الشرق
مرحبتين أختي
والله يخلي لك حبايبك :27:
والله يسلمك على كلامك عن دحومي :04:
ومشكورة لمرورك الكريم

ام -نورة
العفو أختي والله يخلي لك نورة وحبايبك :27:
والله صدقت ... وان شاء الله يكونون راضين عنا :26:

كاجو
ايه والله ... ياليتنا نسخر شي من طاقاتنا لطاعة الله بدون مانقصر في حق الزوج طبعاً
وفعلاً خير الأمور الوسط .. تسلمين على الرد ...
وان كان على الموضوع انا مفكرة فيه من زمااااان ... والله ضاق صدري على نفسي .. ياربي معقولة أنا مقصرة معه ولا وش السالفة !!؟؟

أما بالنسبة لكلامك


يا شيخة استغفري :42: ... صح ماحد يقدر يغصب أحد انه يحبه ... لكن على الأقل يسوي اللي عليه .. عشان مايجي اللوم عليه أبد .. يمكن يرحمها الزوج وعلى الأقل ما يتزوج عليها أو يحسن إليها حتى لو ماحبها ... هذي وجهة نظري :27:
وتسلمين على هالمشاركة :26:

ونة خفووق
صح لسانك :cool:

زهـرة الخليج
كلامك راااائع جداً ماشاء الله تبارك الرحمن
و كلام سليم 100% .... والله يرضى عننا ويجعل أزواجنا راضين عننا
وعلى قولتك جهاااااااد ... بصراحة العمل في البيت وامتصاص المشاكل والتعب من أجل راحة الزوج .. كما هم أيضاً يتعبون من أجل عائلاتهم ... كل هذا جهاد ... ووالله انه مسؤولية .. وأمر في غاية الصعوبة .. فما بالك بإقامة الحفلات ... ماشاء الله على اللي يسوونها دائم .. لهم خلق عليها ... الله يوفقهم ويرزقهم مايتمنون .. ويرزقنا وياك من واسع فضله ووالدينا والمسلمين أجمعين

يتبع ..... :27:

lawsi
جزاك الله خير على الإضافة
و أنا لا أسمي هذه تفاهات أبداً .. لكن أشعر ان فيه بعض الأشياء المبالغ فيها ... أليس كذلك؟
وان شاء الله يا أختي اننا مانكون مقصرين معهم
لكن لا يكلف الله نفساً إلا وسعها .. بالفعل فيه أشياء صعب الوحده تسويها لزوجها
خصوصاً إذا كانت مثل حالتي ..مغتربه .. ومافيه أحد يوديني السوق غير زوجي .. يعني مفاجآت من نوع آخر صعب علي أسويها ... كل شي بيمر من عيونه .. فما صارت مفاجأه
وغير كذا حلو الوحدة تلبي لزوجها كل طلباته ... لكن كل وحده عندها طاقة معينة .. اللي تقدر الله يقويها ولا يحرمها الأجر والله يسخر لها زوجها .. واللي ماتقدر .. الله يسخر لها زوجها ويخليهم لبعض
بالنسبة للمرأة التي كانت تعمل ليلة صينية وهندية...إلخ ... صدقيني هذي زوجها تزوج عليها مل من حركاتها ... يعني ماأغنته عن أحد أبد ... الزوج مايبي استعراض ... يبي حسن معاملة وعشرة ... ان وجدها بتكفيه
ولا كيف عاشوا امهاتنا وجداتنا مع ابائنا على الحلوة والمرة وبدون حفلات رومانسية
ماأنكر ان الحين وقت فتن ... لكن الزوج ان حب زوجته والله مايهمه لا حفلات ولا شي وان حصل فهو بيقبله وان ماحصل ماراح يسأل
هذا رأيي والله أعلم بالرجال ونفسياتهم
وجزاك الله خير ... موضوعك جداً راااائع وحركاته حلوة وبسيطة ومفهومة ماشاء الله تبارك الرحمن عليك
والله يوفقك ويسخر لك زوجك ولا يحرمك الأجر :26:

ام الصالحين
وياك يا أختي
وأنا معك أيضاً ... الفترات المتباعدة أفضل :27:

الماسه لماعه
كلام جميل ... لكن الأخت لاوسي قالت خلقن لفتنة الرجل بعد عبادة الله وطاعة رسوله
لكن بالفعل كلامك جميل .. ونحن أيضاً لدينا حقوق
وان شاء الله ان مااحد يقصر مع الثاني :27:

islamya
ههههههههههه
أنا اللي معقدني الحقيقة انها ترسل الأولاد لأهلها .. أحس ممكن يحسون الأهل ان الموضوع فيه (إن) !! ... والله ماأبي أحد يدري عني :23:

سموّره الأموّره
العفووو يا أختي

صحيح, نظريتك جميلة :)

lawsi
جزاك الله خير على هالدعاااااء اللي يشرح الصدر :24:

رينه
وعليكم السلام ورحمة الله وبركاته
حركة حلوة ... بس صعبة شوي ... يعني يبغى لها واحد مسافر شهر او شهرين :42:
تسلمين أختي على هالإضافة :26:

والله حنا نسوي كذا حتى لو بالغنا علشان نشحذ العواطف والرومنسيه من هالرجال اللي بسرعه يملوووووون ويطفشون وهم مايدرون انهم هم الملل بعينه بس الله يصبرنا ويجزينا الجنه عنهم
والله المستعان :26:

هلا ام دحموي

في مثل يقول الشيء اذا زاد عن حده انقلب لضده

والمفروض عدم المبالغة في كل شيء يعني مثلاً مو شرط

كل يوم تكوني متكشخة كأنك رايحة زواج بل على العكس

الامور هذه لو تكون بين فترة واخرى يكون لها صدى عجيب ورهيب

حتى التغيير في البيت مو شرط يكون اسبوعياً بل على العكس لو يكون

شهرياً افضل حتى هو راح ينبسط

وبالنسبة للمعاملة مافي احلى من الكلمة الحلوة

خلي لسانك دائما يلفظ الكلام الحلو وناديه بإسم الدلع

تراهم ينبسطوا كثير

وبالنسبة للزينة اهم شيء يكون شكلك مرتب وريحتك حلوة جدا

وفي طريقة مرة حلوة استخدمها دائما

بخري شعرك بعودا ثم بخيه عليه عطرك المفضل

ثم ضعي عطر زيتي وراء اذنيك وعلى المرفق واماكن النبض بجسمك

ثم ادهني جسمك بكريم معطر

صدقيني راح يحتار في ريحتك وهذه طبعاً مو يوميا عشان مايحس بالملل

والبنات ماقصروا

الله يديم المحبة بينكم وبين ازواجكم
وكل واحدة تحاول دائما تقديم الافضل لزوجها صدقوني ربي راح يوفقها ويسهل لها امورها

:26:

الموضوع فيه وجهات نظر كثيره وقد طرحت رأيي من قبل لكن
ما ذكرته الأخت الغاليه// ألماسه لماعه من أن منع الزوج لزوجته من عيادة والدها في مرضه يعتبر عقوق !!!!!!!
كلام غير صحيح لأن طاعة الزوج في هذه الحاله أوجب من زيارتها لأبيها وهذا ما دلت عليه سنة رسولنا محمد صلى الله عليه وسلم فيجب الرضوخ قال الله تعالى(( وما كان لمؤمن ولامؤمنه إذا قضى الله ورسوله أمرا أن يكون لهم الخيرة من أمرهم ومن يعص الله ورسوله فقد ضل ضلالا مبينا)).
لكن المرأة الحكيمه تستطيع الجمع بين طاعة الزوج وبر الوالدين بحيث تجعل زوجها يحب أهلها ---وألاحظ أنا أنه كلما أحسنت الزوجه لأهل زوجها أحسن هو لأهلها--"تجربه شخصيه".