المبشورة اكلة زاكية وسهلة وبتبيض الوجه

المبشورة اكلة سهلة وحلوة ممكن مع القهوة او حتى بدون اشي معها
المقادير :
3بيض
ملعقتين فانيلا
قالب زبدة
1كاسة سكر ناعم
4كاسات طحين
1 ملعقة باكنج باودر
وللطبقة الاخيرة مرطبان مربى
الطريقة:
اولا اخفقي البيض والفانيلا بعدين حطي السكر واخفقي وبعدين بلشي حطي الطحين و الزبدة بالتدريج بتصير معك عجين رح تحتاجي تكملي بيدك وبعدين الباكنج باودر ممكن انك تحطي ملعقة ماء ورد عشان تعطيها رائحة حلوة و عصرة ليمون كمان يعني قدر ملعقة صغيرة بس بعدين بس تعجنيها منيح رح تاخدي ثلاث ارباع كمية العجين تفرديها بصينية فرن وبعد ما تفرديها غزيها بشوكة بشكا عشوائي وبعدين افردي طبقة مربى وكتري الكمية ازكى وبعدين باقي العجين استعملي المبشرة وابشريه على الوجه ودخليها الفرن خليها تستوي من تحت بعدين حمريها شوي حتى يصير لونها اشقر و قطعيها بعد ما تستوي مربعات و مليون صحة وعافية على فكرة ما بتاخد بالفرن وقت طويل بالكتير نص ساعة على فرن وسط حمه