يارب لك الحمد على كل حال الله يعوضك انوهه ،،ايه ممكن الالتهابات تكون سبب لو فيك بس مو دائما اختى حملت وكانت فيها التهابات ،، وانا لما اخذت الدكتوره مني مسحه قالت فيني التهابات قالت لازم تتعالجين منها ،،
بنات الحين انا اخذت كلوميد 5 ايام وصارت بويضاتي حجمها 6 وزادتني 4 ابر احس قليله لان تبويضي بطيييئ ولما رحت اشوف كم وصلت قالت الدكتوره مازادت شي جدا بسيط سمهتها تقول للممرضه بالانجليزي اللي فهمته انه فقط وصل حجمها 7 والجه اليمين مثل مافهمت واليسار نفس ماهو استغفر الله ياربي بس وزادتني كمية الابر صارت 150 باليوم لمدة يومين وبكرا ان شاءالله اشوف وش صار على بويضاتي ،،
الحين المشكله احس جسمي كله خمول مو طبيعي بس نايمه احد صار له نفس حالتي بس نوووم ؟؟؟؟؟

وانا انضم لكم

انا اتعالج بمستشفى سعد الطبي با الاول كنت عند كمال الاتربي الدكتور محترم وفاهم لكن عيبه انه غالي مره

و اعطاني اقوى المنشطات طبعا من ثاني يوم الدوره وتابع معي التبويض ولكن مافي امل لدرجه انه استغرب

اسودت الدنيا بوجهي .. كان يقولي حالتك مثل سن الياس المبكر ..

بعدها حولت عا دكتوره سهام بنفس المستشفى ... كلمه رائعه قليله في حقها جدا شاااطره وفاهمه

من اول ماشافتني وشافت التحاليل قالتلي يمكن انتي تبويضك متاخر شوي خلينا نتابع التبويض لك ونشوف

وفعلا مااخذت منشطات ولا شي وتابعت معها التبويض يوم ١٤ ومالقيت بويضات وقالتلي استني تعالي يوم

١٧ وفعلا رحت وسبحان الله لقينا بويضه واحده يالله قد ايش فرحت وهي جلست تقولي شفتي لاتقطعي الامل في بويضه وقالت تعالي يوم ٢١ علشان نشوف اذا كبرت معناها بويضه واذا بقيت على حجما معناتها كيس مائي

رحت يوم ٢١ وكشفت ولقيت البويضه ماشا الله كبرت واعطتني ابر تفجير وسويت تلقيح صناعي والحمدلله

بس الله ماكتب لي الحمل

بس والله فرحانه لفيت مستشفيات كثيره كلهم يقولون ماعندك بويضات وانا اتحططططططططم

وطلعت السالفه ان تبويضي انا متاخر يعني يوم ٢١ او ٢٠ او ٢٢

يعني يابنات الي ابغا اقوله مو شرط كل واحده تبويضها يكون ١٤ او ١٥

وان شا الله راح اعيد العمليه الشهر الجاي عن د سهام لاني ارتحت لها مره والحمدلله


هذه تجربتي


ويااارب ترزقنا بالحمل قريبا

وأنا أيضآ أنضم إليكم . . .

أنا رحت العام عند د.سحر بمستشفى المانع حبوبة لكن كل مره أروح لها تعطيني كلوميد !

وبحكم أني غريبة بالمنطقة رحت لها على عماي ):

ومن كلامكم كثير يمدحون د. سهام عند سعد إن شاء الله بروح لها . . .

بسألكم العلاج يشمله التأمين , أو فيه بعض الأشياء يشملها التأمين ... ؟ مثل متابعة التبويض وهيك



الله يرزقنا جميعاااا :26:

هلا حبيبتي

بالنسبه لسعد علاج العقم والانجاب لايشمله التامين حتى الادويه


وعندك ثلاث دكاتره مختصين للعقم والانجاب في سعد

د كمال الاتربي وهذا التوب زي مايقولون بس غالي مره الدخول عنده ب ٩٥٠ ريال وعندك مراجعه ببلاش بعد اسبوع بس

د سهام مرررره عسل ب ٣٠٠ ريال ونفس الشي مراجعه اسبوع ببلاش ولو سوتلك سونار تدفعين ٧٥ ريال حق السونار اضافه ل ٣٠٠

د مصطفى هذا ماادري عنه


باقي العيادات حقت النساء والولاده يشملها التامين عادي وانا دخلت عند ٣ دكتورات منهم حبوبات وتعاملهم حلو بس لاني متاخره في الانجاب ٧ سنوات علشان كذا رحت لقسم العقم والانجاب

انا كنت اخذ التحاليل حقتي مثلا من كند كمال الاتربي لان كان سعرها مرررره غالي واخذ موعد مع اي طبيبه نسا وولاده وادخل عندها واخليها تكتبلي نفس التحاليل عا الكمبيوتر وتدخلها لي ضمن التامين
واخذ منها ورقه التحاليل وانزل عا المختبر

لان المختبر لو شافو اي ورقه تحاليل من قسم العقم والانجاب يكون خارج التامين

بس لو جاتهم ورقه من العيادات العاديه تحت التامين


اتمنى اكون افدتك اختي


والله يرزقنا يااارب بالحمل


...

مشكورة ياغالية أفدتيني كثيييير ..

الله يرزقك ويرزقني ويرزقك كل متأخرة ياااارب ....