بنات هذا رزق من الله ..زيه زي المال ..

يعني البعض ماعنده مال لكن يملك العفه يستعف يطلب من احد ، وهذه ميزه انه متنازل عن كرامته

فلاتخلون تاخر الحمل جرح حساس اي نسمه تهب عليه يتحسس ويتالم ، لاتخلون اي حد يستخدم هالجرح

ضدكم لانه سريع التاثر

لازم الوحده تحفظ كرامتها وتضع حدود محد يتجاوزها ، عليكم بالصبر

الحياه مو زواج وانجاب ،، الحياه ود والفه وعشره ومواقف اخلاقيه

الانجاب نعمه اذ انحرمتي منها حكمه من الله ،، ماعليك الا الدعاء وبذل الاسباب واتركيها على الله متى ماجاء وقتها جاء

تخيلي بدل الحمل الدراسه وحده نجحت وانتي سقطتي راح تتحسسي منها وماتبين تنظر لك شفقه او يكون عندك اصرار حتى تنجحي مره ثانيه

كذلك الحمل لازم يكون عندك اصرار حتى تحملي وتشيلي فكره تحسس من راسك كل مافكرتي بالحمل فكري بامور الحياه الاخرى مثل دراسه وظيفه التي فيها مقارنات كيف تجاوزتيها

كذلك تقدري تتجاوزيها في الحمل ،، بس عشان الفكره معششه بالعقل والقلب صارت حساسه

الاسلام ماقال اللي ماتنجب ماهي انثى فليش تقولي تنقص الانوثه

باركي لها وتعوذي من شيطان كل ماخلاك تحزني او تتحسسي منها ،، لانه يبي يفرق بين المسلمين
ويحزنهم ،، ادعيلها بالبركه وتمني لها الخير

يمكن هي تتفاجا منك ومن تصرفك وتغار لانك قويه ،، وتحاول تقلدك باصرارك وعزيمتك وصبرك وتخليك قدوه لها في مواقف صعبه لها

فكوني قدوه حسنه ومثال للاخلاق والصبر والاصرار

مو مجرد وصول للغايه وتشفي واحقاد ،، كلها اخلاق ومواقف

مو كل امراءه امراءه ،، فيه نساء يضرب فيهن المثل سواء امهات او لا


هذا اللي قدرت اقوله وان شاء الله وفقت

هلا اختي انا متزوجه من سنتين وعمري 32 شفتي المصيبه الاكبر. وطبعا اهلي قليل يتكلمون في هالموضوع لكن للاسف الناس ما ترحم لدرجه اذا  ماالبس كعب بالدوام يسلمون علي البنات ما يشوفون وجهي عينهم على بطني. وبديت بصراحه اخفف الجمعات يمكن مو لهدرجه ينظرون لي بس انا من داخلي صرت كثير حساسه. خاصه اني تزوجت كبيره يعني خبره مع نظرات الشفقه. واحس نظراتهم كلها اسئله. عاد واخرتها ابو زوجي قبل اشوي يقولي ها شنو سويتي بهالموضوع ليش بيدي عاد زوجي يحس فيني قالي لا تحطي في بالك. 
وما نسيت خالي مااشوفه كثير بحكم انه ساكن بعيد ومره قال لي بنتي اصغر منك وعندها 5 وش تنتظرين قلت له ليش بيدي ، للان احس ما نسيت كلامه. وجد يحز بخاطري اللي اصغر مني عيالهم بالمدارس واللي تزوجو بعدي ماشاء الله حوامل بس ما يبون يقولون قدامي. وفي كم وحده متزوجين من سنه ولسا ما حملو قلت لامي مستحيل اذا حملت ابيك تخبرين امهاتهم يراقبوني ويترصدون لي وتحقيق معي بالكلام مع انه بناتهم اصغر مني ب10 و6 سنوات. 


بس للامانه اهلي واهل زوجي بشكل عام مقدرين مشاعري جدا. 

الله يرزقنا ويعوضنا كل من شافني للحين يامها محملتي روحي للدكتور فلاني وروحي ويخبون عني الحمال بنظرهم بعطيهم عين لو بيدي ماطلعت ولاحضرت مناسبات من أسئلتهم وكلامهم بس مجبوره سويت ثلاث مرات انابيب وفشلت الحمدلله على قدر ربي 

وش اقوول وش اخلي اخر موقف صار لي قبل يومين جاينا ناس يتحمدون لاختي بالسلامه وتناظر فيني حرمه مع ان بنتها ماشاء الله في سن زواج وتقولي انتي ماتقرين ايات الزواج والرزق تسمعي فيهاا يمكن ربي يعطيك ..انا رديت وقلت انا مايهمني هذا الشي اقصد الزواج وطلعت من عندهاا وانا نفسيتي زفت وحالتي حاله لين اليوم

والله ياقلبي بالعكس اروح وابارك واجيب هديه
احبي للناس اللي تحبي لنفسك وربي بيعوضك
واقلهم الناس تقولي شكلك
حامل في الخامس اقولهم ادعو ياقلبي
لكن اذا حملت بشرتكم
وهم مايقولون ان بناتهم حملوا واصلا مايقربون اطفالهم
لكن الله القادر المعطي
وحسبي الله ونعمى الوكيل
اذا حاسه انك مابتحتسبي الاجر لاتروحي
تبغى اجر وتخفي بزيارتك خفافي
قهوه واعدي اي احد
واني مشغوله
واخرجي وخلك غامضه