المتزوجات..ساعدوها بتموت من الخوف

السلام عليكم ورحمة الله وبركاته

خواتي..أعز صديقاتي والله أعرفها من قبل لا ندخل المدارس
متزوجة من حوالي شهر وكم يوم..
بعد ليلة الدخلة بأيام قليلة جاتها العادة الشهرية كالعادة لأن كان موعد العادة الشهرية
وبعد ما خلص أسبوع العادة الشهرية أغتسلت وتفاجأت إن بعد يومين تقريباً رجعت جاتها العادة الشهرية..نفس الكثافة ونفس المدة..ولما أغتسلت عنها للمرة الثانية..وبعد كم يوم تفاجأت إنها رجعت لها العادة الشهرية مرة ثالثة !!!!! والحين هي بالعادة الشهرية للمرةالثالثة !!!

هي من النوع الخواف جداً ..والوسواسي..تقول يمكن فيني شيء خطير ومن هالسوالف
أنا نصحتها إنها تروح لدكتورة نسائية تشوف وش العلة..بس هي خايفة
تقول أخاف أروح ويطلع فيني شيء كايد

سؤالي للمتزوجات : في حد منكم بعد ليلة الدخلة صادها شيء من هالقبيل؟؟
أو سمعت من صديقاتها أو من حد إن صادهم هالشيء بعد؟؟
يعني إحتمال الهرمونات تغيرت ؟؟
إذا في حد منكم..أرجوكم خبروني علشان أطمنها إن هالشيء عادي
ويصيب الكثيرات علشان تتشجع تروح الدكتورة بدون وسوسة إن هالشيء ما صابها إلا هي
علماً بأن العملية الجنسية لم تتم بالكامل..يعني الزوج لم يتم بإنزال الحيوانات المنوية
وجزاكم ربي كل خير
وسامحوني على الجرأة بس بجد حالتها تكسر الخاطر
وبكم الأجر بإذن الله