المتزوجات الخبره تعالو طفشت

صباحكم ورد جوري

اولا الف شكر لحبيبت قلبي الاخت " مدري "

طبعا انا صديقتها حاولت كثير اسجل بس مو راضي ماشاءالله ماتركت اسم ماكتبته كله يقول موجود

وبما ان صديقتي تدري عن مشكلتي قالت لي ادخلي بأسمي ومالك الا بنات حواء يحلونها لك

انا ياحلوات متزوجه تقريبا من 3 سنوات وعندي ولد

مشكلتي مع زوجي وللاسف طلع شمالي شرقي نفس " مدري" هبلو فينا رجالنا :hahaha:

المشكله يابنات اول سنه زوجي كان عسل كلامه واحس فيه شوية اهتمام لي

وفي العلاقه ... طبعا لازم مداعبات وووو

الحين السنتين هذي تغير مررررره

لاتقولون انتي مااهتمي اووو لا انا قريت كثير انو هذي طبيعة الشمالي الشرقي جاااااف مه زوجته

وهذا فعلا اللي حصل مع زوجي

يعني الحمدلله طيب ومايعصب علي ويلبي احتياجاتي كله عسل الظلم شين

لكن من ناحية العلاقه العاطفيه صار جاف جاف جاف

يعني انا اول قبل الزواج كنت اذا سمعت وحده تشكي عن كذا اقول الحمدلله مو لازم

اهم شي يحبها ويلبي طلباتها هذا هو الحب مو لازم يعبر

لكن سبحان الله بعد الزواج تغيرت هالنظره عندي وصرت احس ان هالشي فطري بالمرأه لازم احد يحسسها

بالحب يدلعها يقول كم كلمه حلوه

انا زوجي صار ساكت ما ينطق بكلمه حلوه لي صار جدي كله امور الحياه العاديه

حتى لو ينام ولدي بالليل ونجلس نسهر ليله كامله على ضوء الشموع واكون مجهزه حلى رايق يعني اساعده

على الجو لكن للاسف يسولف سوالف عاديه ويقوم ياعلى النت يا على التلفزيون

وصارحته اكثر من مره يقول هذا طبعي انا ماني رومنسي على قولتهم

مااحب اعبر عندي التعبير عن الحب بالافعال موالاقوال

وهو فعلا الله يخليه مو مقصر معاي بأي شي كل شي اطلبه يوفره لي

بس شرحت له اكثر من مره وقلت ادري انت مو مقصر بس المرأه تحب احد يدلعها يقولها كم كلمه حلوه

والله يابنات مااكذب عليكم مره وحده بس يمكن خلال السنتين هذي كلها قلت بسافر قال مااصبر عنك وشلون

تروحين يالله هالكلمه يوم قالها نستي تعب ذاك اليوم كله حسيت ان فيني نشاط وحيويه وامل

صرت انظف البيت وانا مستانسه ومرتاحه

رغم اني دايم اسافر كل اجازه ولا عمره عبر عن هالشي ولا يرسل ولاشي

المشكله انه ماتغير بعد ماصارحته وتجي المشكله الاكبر من هذي كلها

ان بالاوقات الخاصه مافيه تمهيدااات ابدا ولا كلام وولا اي شي والله من الالف الى الياء بصمتتتتتت ..!!

وصرت انا اتعب واتهرب ماودي يصير شي

كله لانه روتين حاولت اغير اجدد بس مايتكلم مايقول

المهم اني انا صرت اتعب بوقتها وخصوصا بالوقت الحساس جدا اكيد فهمتو علي مقدر اشرح اكثر *_*

لدرجة اني احيانا امثل ذاك الشي لاني تعبت مو قادره ..!!

ولمحت له المصيبه بوقتها حسيت انه تفاهم معاي وايه ان شاءالله وعادت حليمه لعادتها القديمه

الحين لي شهر ماشيه على نظام طنشييييه ..!!

وصرنا بالاسبوع مره بس :35:

والله ولا حركت فيه شعره .!!!

ياربي وش اسوي والله ناقله هم السنين الجايه اذا بسنتين كذا تغير

يعني هو عنده انه خلاص الحركات ذيك والعب بس اول الايام عشان نتجاوز الخجل الحين لا

يعني صدقوني اقولكم هذي ماتمهني لو تعدل بالمشكله الاولى وغمرني بحبه وتكلم معاي

احس انها بتنحل المشكله الثانيه تلقائي صح والا لا ؟؟

يالله يابنات الله يعافيكم ردو على انا خلاص مليت وصرت جافه نفسه اول ارسله اهتم اغير من اللوك والروتين

بس الحين مشيت نفس طريقته قلت يمكن يحس لكن لاحياه لمن تنادي:06:

على فكره اول سنه مو جرئ وبس الا احس اني ابي الفكه منه كان جرئ بزياده ورمنسي لكن الحين تغير ولا تجي وحده تقول منك انتي

لاني انا متأكده المشكله مو من طرفي وانا مهتمه كثير بنفسي