انا متزوجه وعندي عيال! (وحده عن عشره ) الله يخليها ويهديها

وقت فراغي اقضيه عالنت غالبا والحمدلله من دخلت منتدى حوا وانا متغيره مره حتى نفسيتي صارت احسن بكثير وعلاقاتي صارت اكبر الله يجزى كل القائمين على المنتدى بالخير والله يجزى كل خير كل عضوات المنتدى ..

غالبا اخلص اشغالي المؤجله او ارتب بالغرفه او بالخزانات .. او اجرد ملابسي وملابس بنتي وزوجي واطلع اللي ماله لازمه ..

اسوي حلا (غالبا اتقهوى عليه لحالي):17:

اتابع برامج بالتلفزيون عندك المجد فيها كذا برنامج حلو كمان سمارت وي كويتيه رهيبه تهتم بالاسره من الى!

وفيها برامج كثير حلوه ..

والله احيان حتى ما القى وقت فاضي وخاصه ان طلعاتنا كثيره ..
اتمنى اكون افدتك ببعض الافكار..





فاصل(ياحبيلكم يابنات حوا فعلا احس بقربكم معي حتى لو ما نعرف بعض)

ياربي ماني مصدقه ان فيه احد مثل حالتي طلعتوا كلكم مثلي 0 ياالله يا انا طفشانه مع ان عندي ولدين (الله يخليهم لي) وزوجي حبيبي مو مقصر معي دايما يقول اطلعي وانبسطي ويحاول يسليني ويعرفني على حريم ربعه بس وش تقولون في الكسل ودي يكون عندي صديقات اطلع معهم وازورهم ويزوروني بس كل يوم ااجل واقول بكره باتصل في وحده من معارفي ويجي بكره ويروح ولا حياة لمن تنادي احس اني متوحده حتى اهلي ما اكلمهم الا في الشهر مره ولو ما يسالون عني ما سالت لاني بصراحه اكره المكالمات ولا اقدر اتكلم على طبيعتي مع اني انسانه بشوشه واحب الجمعات ،اول كنت ساكنه بشقه ومبسوطه لان دايم اجتمع مع جاراتي اما الحين سكنت بيت ولا تعرفت على احد من الجارات ، وعلى فكره انا ساكنه في الشرقيه واهلي واهل زوجي في الرياض 0 والله يابنات اني استخسر ها البدل والتيورات والجزم والشنط اللي في الدولاب لاني ما البسهم وكل اسبوع لما نطلع يدخلني ابو الشباب السوق ويقول اشتري اللي تبين عشان يشوفني مبسوطه لما اشتري ولارجعت البيت تحسفت وقلت والله حرام اشتري ولا البس ياليتني شاريه ملابس للبيت والا للنوم اصرف ، ماادري وشلون اقضي وقت فراغي اما على التلفزيون او النت واول اذاكر لولدي الحين جابله مدرس وشغل البيت تقوم به الشغاله والله اني محتاجه اسولف واسمع سوالف الحريم عشان كذا اعذروني على الاطاله0

انا مثلكم لاشغل ولا مشغله واهلي بعيد عني ودايم ضايق صدري .. لكن الحين بعد ماجاني بنت الله يحفظها لهتني شوي

وصار وقتي اغلبه لها واذا نامت دخلت النت او جلست مع زوجي او نطلع نتمشي واذا ماحصل كل اللي قلت
هجدت ونمت<<<نصيحه ترى احسن حل للملل ههههههههههههه

ولو ودك تتعرفين على ياالارجوانه وياانشودة نجد ترى ماعندي مانع :01:<< احلفي يالمهمه

لابجد انا احب اكون صداقات ...

انا عندي ثلاث اولاد الله بخليهم ويصلحهم "امين" ولا عندي شغاله ولا عندي وقت فراغ بس مليت من شغل البيت طفشت من الروتين اليومي .............طفشت من البيت .... اذا بغيت اغير جو اطلع سوق او مطعم اواروح عند اهلي بس ما عندي صديقات ابد ابي عندي صديقات اطلع معهم اكلمهم يكلموني و ابي اتوظف اشوف عالم ثاني بس ما قدر الله :06:

يا الله ..... أتارينا زي بعض :29::29::29::29::29::29::29::29::29::29:



أنا بعد بالرياض و بأموت عشان يكون لي صديقات <<<<<<شرواكن


تكفوووون .....لا تخلوني :time: