مرحبا خواتي
انا ابي اسألكم سؤال فقط هل اهل الزوج اذا صاروا طيبين مع مرت ولدهم تتمرد عليهم
ادري دايما كلامكم ان اهل الزوج سبب المشاكل لكن والله العظيم انا ماعمرنا تدخلنا في اخوي وزوجته ومع كذا طفشنا من اللي نشوفه انا اتوقع ان مشكلة البنات في امهاتهم اذا زوجوهم يحذرونهم من اهل الزوج مع انهمهم اللي يدخلون في كل صغيرة وكبيرة
والله ان اخوي طيب وعلى نياته والمشكله يحبها قبل الزواج وكان يبيها ورحنا خطبناها له مع انا عارفين ان امها متسلطة تخيلوا كل شي يصير ببيت اخوي تدري عنه وحنا ماندري الا بعد يوم مثل مرة سافروا للشرقية ومادرينا الا اليوم الثاني ومن ام زوجته بالله عليكم لو انكم بمكاننا وش تسوون ودايما تروح للاسواق وتمر اهلها وحنا اذا قلنا ودنا يتعذر ويقول مشغول
لاوحدة تجي وتقول اننا نغار وماادري ايش والله انا مافكرنا بهذا الشي لكن الاحترام قبل كل شي والاهل لهم قدر
وانا اشوف اكثر الناس اذا زوجوا عيالهم خالص لازم عليهم ينسون انهم يخدمونهم لانهم يروحون مع الحرمة
وازيدكم من الشعر بيت اخوي اللي اصغر منه يشوف كل شي بعينه وكان احيانا ينقد عليهم والحين خطب اختها وبكره بيسوي مثل اخوي اللي قبله وبينسى اللي شافه
واللي قاهرنا ان ابوي يشوف كل شي بس يطنش لانهن بنات اخوه ومايبي المشاكل بينهم وقلنا له يبه احفظ كرامتنا ويكفي اهانات جب لنا سواق والا وقف اخواني عند حدهم ع الاقل يدرون ان ورانا احد لكن ابوي واقف مع العيال
والله العظيم شوفوني حلفت اني كرهت الزواج واني ادعي على نفسي اني اعنس اذا صرت ابي اخذ واحد زي كذا يفرق بين الاهل وزوجته
اعذروني لكن حبيت افضفض عن نفسي من اللي نشوفه
ياحبي للخرج @yahby_llkhrg
عضوة جديدة
يلزم عليك تسجيل الدخول أولًا لكتابة تعليق.
شوفي حبيبتي الولد اذا تزوج شئ طبيعي انه بتقل خدمته لاهله لأنه عنده عمل و فتح بيت وعنده حرمه وعليه مسؤوليات للبيت وللحرمه ولهم مشاويرهم الخاصه ولهم اوقات معينه للنوم فلا تتوقعي انه دايم فاضي وشوفي اذا تبين الراحه جيبوا سواق ولا تشرهون عليه بشئ ولا تطلبون منه غير صلة الرحم...
شغلة انو اهلها يدرون قبلكم ماعتقد مهمه أو اكبر همكم حتى
لكن الشرهه على أخوك ........ > كلام مشفر
وشوكرن
لكن الشرهه على أخوك ........ > كلام مشفر
وشوكرن
الصفحة الأخيرة
أنا دايما أقول وأكرر العيب ماينحصر على الزوجه أو الأهل
العيب في اللي مايخاف ربه
ياما فيه أهل زوج الله لايوريك وزوجة ولدهم العكس تماما
وياما فيه العكس
بس مهما كان ومهما صار الزوجه لازم ماتقطع الزوج عن أهله وعن خدمتهم
ولازم تذكره خصوصا في أمه وأبوه
الله يهدي الجميع
صار كل شخص يفكر بنفسه وبس