المتزوجات الموظفات ...خذوا العظة والعبرة منّي

السلام عليكم ...انا حبيت اكتب لكم عن تجربة كنت اسمع عنها ، وكنت انقد صاحبتها و غبائها 😞 وما اتوقعت في يوم اني اكون ضحية لها 😔 اللي هي فخ قرض الزوج
انا موظفة وراتبي اعلى من زوجي .. من بداية وظيفتي بسنتين وهو يلمح انه راتبه مايغطي لقرض علشان نشتري ارض و نبني وكذا .. وانا كنت معاه انه اطلع قرض و نشتري ارض و وتكون بأسمنا لانه بيطلع قرض ونشترك
اللي صار انه اقنعني بالكذب انه ما يقدر يطلع قرض لمشاكل مع البنك وراتبه ضعيف مايغطي ومن هالكلام
فا جاء يوم انه يبي يعمل مشروع خاص مع صاحبه و يطلع منه مدخول و فائدة ويبي القرض علشان كذا
انا رفضت نهائياً وقلت يا ارض يابلاش المشاريع فيها ربح و خسارة وانا مو مضطرة اتحمل الخسارة
طيب انت خذ قرض قال ما يغطي تكاليف المشروع
وجلست ع موقفي فترة ... صار يزن على راسي وانه انا ما اساعده وانه وانه وصار يضيق علي بكل شي
شاورت اخوي اعطاني نظرة قال وان ما سددك 😏 قلت لااا قال بيسدد و من راتبه مالي علاقه بمشروعه
قالي راح تقدري تشتكين عليه 🤔 طبعا ماراح تقدرين فاحطي ببالك انه الأحتمال الاكبر ما راح يسددك ..
اترددت كثير وجلس هو بالنفسية الخايسة لين في الأخير قلت اوك .. واتفاهمنا انه يستقطع لي من راتبه .
اخذ القرض و المشروع ما نجح للأسف وعدت شهور كل ما كلمته قال طيب ويتعذر انه راتبه انخصم منه من الشركة وما يقدر يسددني واعطاني كم شهر و بعدين وقف ... والعذر انه راتبه ما يغطي و خصوصا انه الشركة اتغير نظامها و نزلت رواتبهم كمان 😒😒 وانا 🙄🙄اكلت اكبر مقلب بحياتي وعرفت انه ماراح يسددني
وكل بين فترة والثانية اكلمه يزعل 👊🏼👊🏼👊🏼 وهو مو ناكره لكن يقول ماعندي اصبري علي لين تنفرج ..
فا نصيحة من مجربه .. لو زهقك مليون و نق على قرض خاصة لشي مو مكتوب بإسمك لا تطيعينه ..معتبرينه انتي ومالك حلال عليهم .