السلام عليكم
انا بيني وبين زوجي مشاكل كثيرة وماتنتهي ابدا على شي تافه تافه نتخاصم سنين واحنا كدا
ابويا رفض الطلاق الودي وانه زوجي بعد الطلاق يوفر شقة وحق المدارس
وفيه اخوات نصحوني انه بما.انه الزواج الثاني مو في راسي اخلي زوجي يتزوج واجلس انا على ذمته بالاسم بس
وانا اكره اكره زوجي
وفي سبب اكبر من كدا انه انا فيا عين او حسد او مس ما اعرف بالضبط وهوا الي مخلينا نضارب ونسوي كدا ويخليني اكره زوجي واتمناله الموت الحل في العلاج بالقرآن والرقية
قلت ايش الفائدة لو انا عالجت نفسي لين اتحسن او اتشافى وزوجي مو راضي يعترف انه هوا مريض ويتعالج ولا كأني سويت شي
العلاج الروحي يبغاله روح معنوية عالية صعب صعب جهاد جهاد
ما اقدر اتعبد ربي واكثف قراءة قرآن وسماع رقية وذكر وووووووو
وشفت الفرق ماشاءالله زوجي غاب عن البيت كم يوم نفسيتي مرة مرة ماشاءالله حلوة وكانت في عندي الالام بسبب المرض الروحي راحت
رجع زوجي ورجعت المشاكل حتى صلاة بخشوع وتركيز ما اقدر بعكس لما يكون هوا بعيد
غير كدا ولدي تعبان زي زوجي يتفرج افلام اباحية يدخن ما يصلي واحنا نبغى نتعالج لا هوا تناسبه اجواءنا رقية وقرآن 24ساعة ماشاءالله
ولا احنا يناسبنا اجواءه
يعني اتخيلو دحين نومت العيال وسورة البقرة شغالة عالتلفزيون والشي دا لازم لازم
جا بكل برود قلب جاب كورة ويمكن خلص الشوط الاستديو التحليلي بدل لا يرجع القرآن كتم الصوت لا احنا خلانا نسمع قرآن ولا هوا اتفرج كدا بس
وشال الاب توب راح السطوح عشان يتفرج افلام اباحية وما اقدر ارجع سورة البقرة اقول يمكن راجع ويتمشكل او يتأفف
وحاجة ثانية ابغى اتعالج عشان اكمل دراسات عليا واطور من نفسي
ورحت المكتبة اشتريت كتب عن التربية وكدا ابغى اربي عيالي من احسن ما يكون وهوا بس يخرب علينا
قلت بما انه الطلاق مافي وماراح اقدر لانه ابويا قال ما عندنا بنات يسكنو لوحدهم قصده بعد الطلاق
طيب اخاف اقول لزوجي يتزوج بس ما ابغاه يجينا الا من فين لفين عشان يشوف طلباتنا خاصة انه. يتحين الفرص عشان يبعد عننا عشان لا تحسبو ميت على عياله
اخاف اقول يتزوج وبعدين اندم
احنا بعاد عن اهلي واهله يعني في صالحي الشي دا لو اتزوج ولا اسمع كلام يوميا ودق في الكلام وشفقة ومقارنات
وانه اتزوج لاني مقصرة
ووووووو
ايش رايكم
وادعولي بالشفاء انا وعيالي وبالتوفيق
يلزم عليك تسجيل الدخول أولًا لكتابة تعليق.
هلاوينات2*
•
قولي اعوذبالله من الشيطان الرجيم وارمي كلمة اخاف واخاف ورى ظهرك الرقيه شغليها واذا حضر شغليها بغرفه ثانيه وخلي الصوت واطي طبيعي الي فيه شي ينفره ويخوفه من القرأن وانت اكيد حسيتي باحساس مرعب اول مابديتي الرقيه تحسين في احد قربك وشوي يخنقك وبس تصكين القرأن يروح الاحساس هذا صح يمكن شدته عند زوجك اقوى منك وطالما انه مايصلي فاتاثير الشياطين عليه اقوى الله يرفع عنه الحل هاتي موية مقريه وحطيها بموية شربه او عصيره هاتي زيت زيتون وحطيه مع سلطاته ومع الطبخ المهم القرأن خليه شغال حتى لو الصوت واطي كفايه انك عارفه وشوي شوي باذن الله ربي يسرله ويهديه ويسمع القرأن افكارك بالطلاق وتركه وامنيتك بالشر له من اسباب العين او الحسد وانت خذي شور راقي
مايصلي ؟
حبيبتي الخلل في الزوج
جد جد اهم شي في الزوج يصلي ويخاف الله لانك بتضمين حياتك معه
خليه يصلي وانصحيه بعدين اقنعيه يتعالج بالرقيه
الله يكتب لش الخير ويسخره لش ..
حبيبتي الخلل في الزوج
جد جد اهم شي في الزوج يصلي ويخاف الله لانك بتضمين حياتك معه
خليه يصلي وانصحيه بعدين اقنعيه يتعالج بالرقيه
الله يكتب لش الخير ويسخره لش ..
بالقوة اقتنع انه مريض
ومو مهتم عادي عنده مو اهم شي مرتاح في عمله وعلاقاته ما الناس
احنا صلاته كله مو مهم
بكيفه وتراه مو داك لمرض الروحي الي يذهب العقل عشان اعذره لا فاهم وعارف
وانا حاليا اهم شي انا وعيالي نتعالج وهوا واقف في طريقنا
ومو مهتم عادي عنده مو اهم شي مرتاح في عمله وعلاقاته ما الناس
احنا صلاته كله مو مهم
بكيفه وتراه مو داك لمرض الروحي الي يذهب العقل عشان اعذره لا فاهم وعارف
وانا حاليا اهم شي انا وعيالي نتعالج وهوا واقف في طريقنا
جنوبيه♡
•
توكلي على الله و ابدئي رقيه كل الي قلتيه هذا من الشيطان عشان يوحي لك بأن الرقيه شي صعب .اولا ابدئي في الاستغفار استغفري كثير كثير لان هذا الشي بيفرج همك و بيدمر الشياطين بعدين الاذكار حافظي عليها و الصلوات في اوقاتها مع السنن الرواتب و اكثري من الدعاء و كل ما اكثرتي من النوافل كان هذا سبب في قربك من الله و استجابة دعائك بإذن الله . كثري من الصدقه بنيه افراج همك واصلاح حال زوجك و ابنك و حاولي تتأكدين من ان الصدقه رايحه لمحتاج فعلا . اقرأي البقره و شغليها بالبيت و حاولي تشغليها في وقت ما يكون موجود ابنك لانها بعد الله راح تحفظ بيتكم من الشياطين . اذا قدرتي انك تفطرين انتي و عيالك بسبع تمرات هذا شي راح يمنع الشياطين عنكم باذن الله . رشي بيتك بمويه مقريه و بخاخ المسك راح تلاقيه عند العطار و اشطفي بيتك بمويه مع ملح خشن برضوا عند العطار . و استمتعي بعمل الرقيه لان انتي الاقوى انتي سلاحك كلام الله و التوكل عليه و الله يحب المتوكلين .انتي على حق و ما اعتديتي و لكن اعتدي عليك و الله لا يحب المعتدين كوني مع الله و احسني الظن بالله و بيكون ربي معك . لا تقدمي على قرار تندمين عليه طول العمر و تقربي من زوجك كثير و اذا حطيتي شي معين في بالك لا تبوحين به ابدا خليه في نفسك و ابدأي العمل مثلا نويتي تقرأين البقره لا تقولين باقرأ اليوم سورة البقره لا خليها في نفسك و اقرأي بدون ما تبوحين بشي لان الشياطين لا تعلم ما في نفس الانسان و بكذا يتيسر لك كل شي بدون ما تخرب عليك الشياطين و مثلا بغيتي تتقربين من زوجك لا تبوحين بشي خليه مثل المفاجأه لان الشياطين سعادتها تخرب بين الازواج وبس . اغصبي نفسك على كل شي لان فيه مصلحه لك انتي و راح تجنين الثمر بعد هذا الصبر باذن الله و تذكري ان كيد الشيطان كان ضعيفا و تذكري ان كيدكن عظيم 😅 حصني بيتك و كل ما صار شي يشوش عليك ابدئي من جديد و كملي مشوارك و تذكري ان ما صار في بيتكم من سنين لن ينحل في يوم او يومين لا بد من مده طويله و صبر كثير و بينحل كل شي بإذن الله و كل شي راح يصير تدريجي . عليك بالسدر و زيت الزيتون و الماء المقري و المسك الاسود . اسأل الله ان يفرج همك و ييسر امرك و يجعل لك من كل ضيق مخرج .
ام الكعك
•
شغلي بالبيت الرقية الشرعية في المسجل وبصوت مسموع ونوعي مرة سورة البقرة ومرة الرقية الشرعية يوميا مرة وحدة
الصفحة الأخيرة