عادي احسن انه بيرد عليك فية ناس مثل زوجي كلش مايرد بالمرة
:cool:

ما أقول غير الله يصبرج ....بس أنتي وش تبين بسؤاله وين رايح يعني لو قالج بيكون قالج الصدق ...مادام ماقالج من نفسه ممكن يجذب عليج بأي جذبه ...وما أبغي أزيد ههمومك بس الريايييل بحورهم غميجة وحاولي باللتي هي أحسن يمكن الله يرده لج :27:
أشغلي نفسك باشيا مفيدة
وأدري صعب بس طنش تعش والله يعطي الإنسان الصالح على قد نيته :27:
اتمنى أكون فدتج
أختج في الله wroood

تسلمون يا اخواتي واللة لايحرمني طلتكم

شوفي انا زوجي مثل زوجك راعي طلعات من الصبح لين العشا شغل ومن بعد العشا لين نص الليل اصحابه ولما يجي يشبك عالنت بس الحين انا تعودت على طلعته يعني لو يقعد لي في البيت كم يوم انهبل اشغلي نفسك بالطلعات والجيات دبري ليك صحبات يطلعون معك يجون عندك تعرفي على الجيران

اختي سوسة انا جيراني حريم كبار وصعب ادخل معهم
وصديقاتي بعيد عني وهو ما يحب اروح لهم
كيف اسوى علاقة مع الناس
انا ماعندي الا عاااااااااااااااااالمي عالم حواء