المتزوجات والسعوديات خاصة,,,,اسلوبك مع زوجك قدام اهلك!!

حياكم الله جميعا,,انا قلت السعوديات خاصة وبالتحديد بنات نجد لاننا نستحي بزود وعلى غير سنع,,
الصراحة انا مااعرف اكلم زوجي اذا دق علي وانا قدام اهلي ومع اخواتي,,يابنات تنزل علي جفاسة وجفاف غير طبيعيبالكلام احس اني انافخ:30: ,,,اذا دق علي ماعرف حتى ارد السلام زين,,مثلا
هو=السلام عليكم:arb:
انا=عليكم السلام:(
هو=كيف الحال
انا=بخير
(هنا ودي اقول بخير عساك بخير والا ياقلبي والا كيفك انت بس مستحييييييييل ينعقد لساني ووجهي الوان)
هو=(ينتظر مني كلمة حلوة)ليش ساكته
انا=ابد والله!!:hahaha:
هو=متى اجي؟؟:30:
انا=مدري متى مابغيت!!
ااااااااااااااااااااااه يالقهر,,,,,,ياناس استحي واكره نفسي اذا كلمته زين قدام اهلي حس عيب,,
المشكلة ان الكلام الحلو ماينفع الا بالاوقات هذي يعني وانتي بعيدة عنه,,وهو ينتظر مني هالكلام بس انا ماعندك احد,,
لا تقولون اطلعي وكلميه بمكان ثاني صعبـــــــــــــــــــــــه ,,بيروح بالهم بعيد وافكارهم تودي وتجيب ماتسوى علي:22: !!!
قولوا لي وش الحل؟؟؟؟
والله اني ابتلش اذا دق ودي اسكر اذانهم,,,ابوي يقول لي عادي تكلمي قدامنا باللي تبينه ليش تقومين,,,,يافشيلتي بس!!!
ترا انا متزوجة من زمان لاتحسبوني عروس...اصلا يوم اني عروس وانا اذرب م الحين,,
اقول فيه احد زيي والا انا لحالي الخبلة؟؟